ໂດຍ: ຄັດ​ທະ​ນາມ
*** ແຂວງ​ອັດ​ຕະ​ປື​ຕັ້ງ​ຢູ່​ໃຕ້​ສຸດ​ຂອງ​ປະ​ເທດ, ເປັນ​ແຂວງ
​ ຫນຶ່ງ​ທີ່​ນອນ​ໃນ 7 ທົ່ງ​ພຽງໃຫຍ່​ຂອງ​ປະ​ເທດ, ມີ​ຄວາມ​ອຸ​ດົມ
​ ສົມ​ບູນ​ທາງ​ດ້ານ​ຊັບ​ພະ​ຍາ​ກອນ​ທຳ​ມະຊາດ, ປ່າ​ໄມ້​ກວມ
​ ປະ​ມານ 65% ຂອງ​ເນື້ອ​ທີ່​ທົ່ວ​ແຂວງ, ມີ​ແມ່​ນ້ຳ​ລຳ​ເຊ​ຫລາຍ
ສາຍ​ແລະ​ສະ​ພາບ​ດີນ​ຟ້າ​ອາ​ກາດ​ເອື້ອ​ອຳ​ນວຍ​ໃຫ້​ແກ່​ການ
​ ພັດ​ທະ​ນາ​ເສດ​ຖະ​ກິດ-​ ສັງ​ຄົມ​ຂອງ​ທ້ອງ​ຖີ່ນຊຶ່ງ​ແຕ່​ໃດ​
ມາ​ຄວາມ​ອຸ​ດົມ​ສົມ​ບູນຂອງ​ອັດ​ຕະ​ປື​ຈົນ​ໄດ້​ພັນ​ນາ​ອອກ​ມາ​ວ່າ: “ ອັດ​ຕະ​ປື​ຂາຍ​ຄຳ​ແລກ​ໄກ່”, ຄວາມ​ຈິງ​ກໍ​ເກືອບ​ວ່າ​
ຈັ້ງຊັ້ນ​ແທ້ໆ. ດັ່ງ​ການ​ໃຫ້​ສຳ​ພາດ​ຂອງ​ຫົວ​ໜ້າ​ໜ່ວຍ​ງານ​ສະ​ຖີ​ຕິ​ແຜນ​ການ​ຂອງ​ພະ​ແນກ​ກະ​ສິ​ກຳ-​ ໄມ້​ປ່າ​ໄມ້​ແຂວງ​ຕໍ່​ຜູ້​ຂຽນ​ວ່າ:
ເວົ້າ​ລວມ​ແລ້ວ, ແຂວງ​ອັດ​ຕະ​ປື​ມີ​ທ່າ​ແຮງ​ແລະ​ເງື່ອນ​ໄຂ​ຫລາຍ​ຢ່າງ​ທີ່​ເອື້ອ​ອຳ​ນວຍ​ໃຫ້​ແກ່​ການ​ພັດ​ທະ​ນາ​ແຂວງ​ຕົນ​ອີຫລີ.
ແຕ່​ໜ້າ​ເສຍ​ດາຍ ໃນ​ປະ​ຈຸ​ບັນ​ພວກ​ເຮົາ​ຍັງ​ບໍ່​ທັນ​ໄດ້​ຂຸດ​ຄົ້ນ​ໄດ້​ໝົດ​ທ່າ​ແຮງ​ດັ່ງ​ກ່າວ​ແຕ່​ເຖິງ​ຢ່າງ​ໃດ​ແຂວງ​ກໍ​ໄດ້​ວາງ​ແຜນ​
ການ​ພັດ​ທະ​ນາ​ຕາມ​ຄວາມ​ອາດ​ສາ​ມາດ​ຂອງ​ຕົນຊຶ່ງ​ໄລ​ຍະ​ຕົ້ນ​ແຂວງ​ໄດ້​ຖື​ເອົາ​ການ​ຜະ​ລິດ​ກະ​ສິ​ກຳ​ເພື່ອ​ແກ້​ໄຂ​ດ້ານ​
ສະ​ບຽງ​ອາ​ຫານ​ແລະ​ກ້າວ​ສູ່​ການ​ຜະ​ລິດ​ເປັນ​ສີນ​ຄ້າ​ຄື: ປະ​ຈຸ​ບັນ​ທົ່ວ​ແຂວງ​ມີ​ເນື້ອ​ທີ່​ປູກ​ເຂົ້າ​ທັງ​ໝົດ​ປະ​ມານ 20.000
ເຮັກ​ຕາ, ຜົນ​ຜະ​ລິດ​ໃນ​ແຕ່​ລະ​ປີ​ນອກ​ຈາກ​ຕອບ​ສະ​ໜອງ​ຄວາມ​ຕ້ອງ​ການ​ພາຍ​ໃນ​ແຂວງ​ແລ້ວ. ຜ່ານ​ມາ ອັດ​ຕະ​ປືຍັງ
ສາ​ມາດ​ສົ່ງ​ອອກເຂົ້າ​ໃຫ້​ແຂວງ​ໃກ້​ຄຽງ​ຄື: ແຂວງ​ຈຳ​ປາ​ສັກ​ເພື່ອ​ປ້ອນ​ໂຮງ​ງານ​ຜະ​ລິດ​ເສັ້ນ​ເຝີ​ໃນ​ແຂວງ​ດັ່ງ​ກ່າວ, ອັນ​
ໄດ້​ຊ່ວຍ​ໃຫ້​ອັດ​ຕະ​ປື​ມີ​ລາຍ​ຮັບ​ເພີ່ມ​ຂຶ້ນ​ແລະ​ໄປ​ຄຽງ​ຄູ່​ກັບ​ການ​ປູກ​ຝັງ​ແລ້ວ​ແຂວງ​ຍັງ​ໄດ້​ວາງ​ນະ​ໂຍ​ບາຍ​ສົ່ງ​ເສີ່ມ
ໃຫ້​ປະ​ຊາ​ຊົນ​ລ້ຽງ​ສັດ​ໃຫຍ່​ຕາມ​ຄວາມ​ອາດ​ສາ​ມາດ​ຂອງ​ຕົນຊຶ່ງ​ປະ​ຈຸ​ບັນ​ສະ​ເລ່ຍ​ແລ້ວ​ຄອບ​ຄົວ​ໜຶ່ງ​ໃນ​ແຂວງ​ອັດ​ຕະ​ປື​
ຈະ​ມີ​ງົວ​ແລະ​ຄວາຍ​ແຕ່ 10-​ 20 ໂຕ ສະ​ເພາະ​ປີ​ນີ້​ແຂວງ​ສາ​ມາດ​ສົ່ງ​ງົວ-​ ຄວາຍ​ອອກ​ຂາຍ​ໄດ້​ປະ​ມານ 1.000 ກວ່າ​ໂຕ.
ເມື່ອ​ທຽບ​ກັບ​ແຂວງ​ອື່ນໆ​ແລ້ວ​ເຫັນ​ໄດ້​ເດັ່ນ​ຊັດ​ວ່າ: ຂະ​ບວນ​ການ​ຜະ​ລິດ​ສີນ​ຄ້າ​ກະ​ສິ​ກຳ​ໃນ​ແຂວງ​ອັດ​ຕະ​ປື​ເລີ່ມ​ມີ​
ໜໍ່​ແໜງ​ດີ​ຂຶ້ນ.