ບ້ານຫົວແກ້ງບຸກບືນເພື່ອຫລຸດພົ້ນອອກຈາກຄວາມກຍາກ
 |
|---|
|
 |
|
 |
|
 |
|
ກົດບ່ອນນີ້ ເພື່ອເບິ່ງສະພາບອາກາດ ໃນ ຫຼວງພະບາງ, ສະຫວັນນະເຂດ ແລະ ປາກເຊ. |
|
ໂດຍ: ສົມລິດ ບຸບຜາປັນຍາ
*** ບ້ານຫົວແກ້ງເມືອງປາກແຊງ ແຂວງຫລວງພະບາງ, ເປັນບ້ານປະສົມ 2 ຊົນເຜົ່າຄື: ເຜົ່າລາວລຸ່ມ ແລະ ເຜົ່າຂະມຸ ມີ 60 ຄອບຄົວ
ມີປະຊາກອນ 300 ກວ່າຄົນ ແລະ ມີໂຮງງານ 100 ກວ່າແຮງງານ. ມີຖິ່ນຖານຕັ້ງຢູ່ຫົວແກ້ງນ້ຳເຊືອງ.
ຫລາຍເຊັ່ນຄົນມາແລ້ວບ້ານຫົວແກ້ງອາໄສສາຍນ້ຳເຊືອງເປັນເສັ້ນທາງຄົມມະນາຄົມຂົນສົ່ງຈະລາຈອນສິນຄ້າ ແລະ
ຖືເອົາການ
ຖາງປ່າເຮັດໄຮ່ປູກເຂົ້າເປັນອາຊີບຫລັກ. ສ່ວນການຄ້າຂາຍພັດຖືເປັນສຳຮອງ ເພາະເປັນບ້ານຢູ່ຫ່າງໄກຊຸມຊົນ.
ການຄ້າຂາຍ
ກໍບໍ່ມີຫຍັງພໍສະດວກທີ່ເຮັດໃຫ້ເຂົາເຈົ້າມີຊີວິດການເປັນຢູ່ດີຂຶ້ນກົງກັນຂ້າມຄວາມທຸກຍາກຊ້ຳພັດຄືບຄານ
ເຂົ້າມາ
ທຸກປີສາເຫດຍ້ອນສະພາບດິນຟ້າອາກາດມີການປ່ຽນແປງສະມັດຕະພາບຂອງດິນເສື່ອມໂຊມຜົນຜະລິດຕົກຕ່ຳ.
ພາຍຫລັງສຸມໃສ່ປະຕິບັດແນວທາງນະໂຍບາຍຂອງປະຊາຊົນນຳພາປະເທດຊາດໃຫ້ຫລຸດພົ້ນອອກຈາກຄວາມດ້ອຍ
ພັດທະນານີ້, ແນວທາງດັ່ງກ່າວໄດ້ຖືກຈັດຕັ້ງປະຕິບັດໃຫ້ເປັນຮູປະທຳໃນຂອບເຂດທົ່ວປະເທດ, ຫນຶ່ງໃນແຜນຍຸດທະສາດ
ດັ່ງກ່າວນັ້ນແມ່ນການສ້າງພື້ນຖານໂຄງລ່າງຖະຫນົນຫົນທາງເຂົ້າໄປເຖິງເຂດຊົນນະບົດຫ່າງໄກ
ສອກຫລີກເຊິ່ງໃນນີ້ບ້ານຫົວແກ້ງກໍແມ່ນບ້ານຫນຶ່ງໄດ້ຮັບຜົນກະທົບທີ່ດີຈາກແຜນຍຸທະສາດດັ່ງກ່າວ, ໃນປີ 2000 ອຳນາດ
ການປົກຄອງບ້ານໄດ້ຕັດສິນໃຈນຳພາປະຊາຊົນຍົກຍ້າຍຖິ່ນຖານເດີມມາຕັ້ງພູມລຳເນົາໃຫມ່ຢູ່ລຽບຕາມ
ແຄມທາງລົດທີ່ເຫັນວ່າມີຄວາມສະອາດກວ່າ. ພາຍໃຕ້ແສງສະຫວ່າງມະຕິກອງປະຊຸມໃຫຍ່ຄັ້ງທີ3ຂອງອົງຄະນະພັກ
ເມືອງປາກແຊງ, ມະຕິກອງປະຊຸມໃຫຍ່ຄັ້ງທີ 5 ຂອງອົງຄະນະພັກແຂວງ ແລະ ແນວທາງອັນຖືກຕ້ອງສ່ອງໃສຂອງພັກ.
ປະຊາຊົນບ້ານຫົວແກ້ງເລີ່ມມີຄວາມເຂົ້າໃຈຕໍ່ແຜນຍຸດທະສາດລຶບລ້າງຄວາມທຸກຍາກຂອງລັດຖະບານເຂົາເຈົ້າໄດ້ຕັດສິນ
ໃຈດ້ວຍຕົນເອງນຳພາຄອບຄົວຫນີຫ່າງຈາກຄວາມທຸກຍາກ. ເລີ່ມຈາກການວາງແຜນຜະລິດສະບຽງອາຫານໃຫ້ພໍຢູ່ພໍກິນ
ແລະ ກາຍເປັນສິນຄ້າຂອງແຕ່ລະຄອບຄົວ ແລະ ຂອງບ້ານ, ປັດໄຈຫນຶ່ງທີ່ປະຊາຊົນບ້ານຫົວແກ້ງເຂົ້າໃຈເຖິງຜົນຮ້າຍ
ຂອງການຖາງປ່າເຮັດໄຮ່ປູກເຂົ້າໃນແຕ່ລະປີນັ້ນແມ່ນຄວາມທຸກຍາກຂອງຊາວບ້ານທີ່ບໍ່ມີຍາມແກ້ຕົກ. ປ່າໄມ້ອັນເປັນ
ຊັບພະຍາກອນທຳມະຊາດ, ເຄື່ອງນາຂອງປ່າອັນລ້ຳຄ່າຖືກບຸກລຸກທຳລາຍຢ່າງໄຮ້ຄຸນຄ່າສົ່ງຜົນໃຫ້ສະພາບແວດລ້ອມ
ມີການປ່ຽນແປງຈາກຜົນສະທ້ອນ
ດັ່ງກ່າວນັ້ນອຳນາດການປົກຄອງບ້ານຈຶ່ງໄດ້ນຳພາປະຊາຊົນກຳນົດທ່າແຮງຂອງບ້ານໂດຍອີງໃສ່ທ່າແຮງທີ່ເປັນມູນເຊື້ອ
ຂອງທ້ອງຖິ່ນເຊັ່ນ: ຊັບພະຍາກອນທຳມະຊາດ, ເນື້ອທີ່ດິນ, ຄວາມດຸຫມັ່ນກຳລັງແຮງງານ, ໃນນີ້ໃສ່ການລ້ຽງສັດປະເພດ
ຕ່າງໆຂອງຄອບຄົວປູກພືດອຸດສາຫະກຳເປັນສິນຄ້າເປັນຕົ້ນຫມາກງາ, ສາລີ, ປໍສາ ແລະ ເຮັດການບໍລິການ. ໃນປີ 2006 ນີ້
ຢູ່ບ້ານດັ່ງກ່າວໄດ້ມີ 30 ຄອບຄົວ ສາມາດຢຸດຕິການຖາງປ່າເຮັດໄຮ່ ປູກເຂົ້າໃນເນື້ອທີ່ 30 ກວ່າເຮັກຕາ. ລັດຖະບານໄດ້
ໃຫ້ທຶນຊ່ວຍເຫລືອຈຳນວນ 90 ລ້ານກວ່າກີບ ເພື່ອນຳໃຊ້ເຂົ້າໃນການເປັນສິນຄ້າ. ສະເລ່ຍລາຍຮັບຂອງບ້ານປີຫນຶ່ງໄດ້
433 ລ້ານກີບ, ສະເລ່ຍໃສ່ຫົວຄົນໄດ້ຮັບ 1 ລ້ານ 4 ແສນກີບຕໍ່ປີ. ມາຮອດປະຈຸບັນເຫັນວ່າຊາວບ້ານຫົວແກ້ງ ເມືອງ
ປາກແຊງແຂວງຫລວງພະບາງມີຊີວິດການເປັນຢູ່ດີຂຶ້ນເມື່ອທຽບໃສ່ຫລາຍ 10 ປີຜ່ານມາ. ເພື່ອນຳພາບ້ານຂອງຕົນໃຫ້ຫລຸດ
ພົ້ນອອກຈາກຄວາມທຸກຍາກ ແຕ່ນີ້ຮອດປີ 2010 ແລະ ຄວາມດ້ອຍພັດທະນາໃນປີ 2020 ທາງອຳນາດການປົກຄອງບ້ານ
ໄດ້ວາງຄາດຫມາຍສູ້ຊົນນຳພາປະຊາຊົນສ້າງລາຍຮັບໂດຍສະເລ່ຍໃສ່ຫົວຄົນໃຫ້ໄດ້ 440 ໂດລາຕໍ່ປີ. ວາງມາດຕະການ
ຢຸດຕິການຖາງປ່າເຮັດໄຮ່ປູກເຂົ້າໃຫ້ໄດ້ 100% ໃນປີ 2010 ຫັນໄປເຮັດອາຊີບອື່ນທີ່ຫມັ້ນຄົງກວ່າເອົາໃຈໃສ່ສ້າງຄອບຄົວ
ຕົວແບບໃນການຜະລິດກະສິກຳສິນຄ້າໃຫ້ຫລາຍແກ້ໄຂບັນຫາສັງຄົມໃຫ້ມີຄວາມສະຫງົບ, ຊີວິດວັດທະນະທຳມີຄວາມ
ເບີກບານມ່ວນຊື່ນເສດຖາກິດມີທ່າຂະຫຍາຍຕົວຢ່າງບໍ່ຢຸດຢັ້ງ.