ກ​ອງປະຊຸມ​ໃຫຍ່​ຜູ້້​ແທນ​ທົ່ວ​ປະ​ເທດ ຄັ້ງທີ IV ຂອງ​ພັກ:
ກ​ອງປະຊຸມ​ໃຫຍ່​ຜູ້້​ແທນ​ທົ່ວ​ປະ​ເທດ ຄັ້ງທີ IV ຂອງ​ພັກ ​ໄດ້​ໄຂ​ຂຶ້ນ ​ແຕ່​ວັນ​ທີ 13-15 ພະຈິກ 1986 ທີ່​ນະຄອນຫລວງ​ວຽງ​ຈັນ ​ໂດຍ​ມີ​ຜູ້້​ແທນ​ສົມບູນ​ເຂົ້າຮ່ວມ 303 ສະຫາຍ ທີ່​ເປັນຕົວ​ແທນ​ໃຫ້​ແກ່​ສະມາຊິກ​ພັກ 45.000 ສະຫາຍ ​ໃນ​ທົ່ວ​ປະ​ເທດ​.
ບົນ​ພື້ນຖານ​ແຫ່ງ​ຈິນຕະນາການ​ໃຫມ່ ກອງ​ປະຊຸມ​ໄດ້​ຕີ​ລາຄາ​ຜົນງານ ​ແລະ ​ໄຊຊະນະທີ່​ຍາດ​ມາ​ໄດ້ໃນ​ການ​ປະຕິບັດ​ມະຕິ​ກອງ​ປະຊຸມ​ໃຫຍ່ ຄັ້ງທີ III ຂອງ​ພັກ ຕໍ່ການ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ ​ໃນ 10 ປີຜ່ານມາ.
ຜ່ານ​ພຶດຕິກຳ 10 ປີ ແຫ່ງ​ການ​ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ ກອງ​ປະຊຸມ​ໃຫຍ່​ຖອດ​ຖອນ​​ໄດ້ 5 ບົດຮຽນທີ່​ສຳຄັນ​ຄື :
1. ເພີ່ມ​ທະວີ​ການ​ນຳພາ​ຮອບດ້ານ​ຂອງ​ພັກ, ວາງ​ແນວທາງ​ອອກ​ຢ່າງ​ທັນການ ​ແລະ ບູລະນະ​ຢ່າງ​ບໍ່​ຢຸດ​ຢັ້ງ ທັງ​ຢຶດຫມັ້ນ​ໃນ​ການຈັດຕັ້ງ ປະຕິບັດ​ແນວທາງ​ນັ້ນ​ໃຫ້​ປະກົດ​ເປັນຈິງ.
2. ເພີ່ມ​ທະວີຄວາມສາມັກ​ຄີ​ເປັນ​ເອກະ​ພາບ​​ໃນ​ທົ່ວ​ພັກ, ທົ່ວ​ປວງ​ຊົນ ເປັນສາເຫດ​ອັນ​ສຳຄັນ​ຍິ່ງ​ແຫ່ງ​ໄຊຊະນະ​ທຸກ​ຢ່າງ ຂອງ​ການ​ປະຕິວັດ​ປະ​ເທດ​​ເຮົາ.
3. ຕ້ອງຕິດ​ແຫນ້ນ​ກັບ​ຮາກ​ຖານ, ສຸມ​ໃສ່​ກໍ່ສ້າງ​ຮາກ​ຖານ​ໃຫ້ຫນັກ​ແຫນ້ນ ​ເຂັ້ມ​ແຂງ​ ໃນ​ທຸກ​ດ້ານ ​ເພື່ອ​ປະຕິບັດ​ສອງ​ຫນ້າທີ່ຍຸດທະສາດ​ເປັນ​ຢ່າງ​ດີ ແລະ ດຳ​ເນີນ​ການ​ປະຕິວັດ 3 ປະການ​ໄປ​ພ້ອມໆ​ກັນ.
4. ໃນ​ທຸກ​ການ​ເຄື່ອນ​ໄຫວ​ດ້ານ​ເສດຖະ​ກິດ ຕ້ອງ​ຮ້້​ູຫມູນ​ໃຊ້​ບັນດາ​ກົດ​ເກນ​ພາວະ​ວິ​ໄສ ​ແລະ ຄິດ​ໄລ່​ເຖິງ​ປະສິດທິ​ຜົນ​ທາງ​ເສດຖະສິດ-ສັງຄົ​ມ.
5. ການ​ຮ່ວມ​ມື​ຮອບດ້ານ ກັບ​ບັນດາ​ປະ​ເທດສັງຄົມ​ນິຍົມອ້າ​ຍນ້ອງ, ກ່ອນ​ອື່ນ​ຫມົດ ​ແມ່ນ​ກັບສະ ຫະພາບ​ໂຊ​ວຽດ, ກໍ່ສ້າງ​ກ້ອນ​ກຳລັງ​ຮ່ວມ​ສຳພັນ​ພິ​ເສດ​ລະຫວ່າງ ປະ​ເທດ​ເຮົາ​ກັບ ຫວຽດນາມ ​ແລະ ກຳປູ​ເຈຍ, ນຳ​ໃຊ້​ບັນດາ​ເງື່ອນ​ໄຂ​ອັນ​ສະດວກ​ຂອງ​ຍຸກ​ສ​ະ​ໄຫມ ​ເປັນ​ປັດ​ໄຈ​ທີ່ຂາດ​ບໍ່​ໄດ້​ໃນ​ການກໍ່ສ້າງ​ສັງຄົມ​ນິຍົມ​ຢູ່​ປະ​ເທ​ດ​ເຮົາ.
ລາຍງານ​ການ​ເມືອງ ​ໄດ້​ຂະຫຍາຍ​ເພີ່ມ​ເຕີ​່ມ​ແນວທາງ​ການ​ປະຕິວັດ​ລາວ ທີ່​ກອງ​ປະຊຸມ​ໃຫຍ່ ຄັ້ງທີ III ຂອງ​ພັກ​ວາງ​ອອກ ​ແລະ ​ເຮັດ​ໃຫ້​ເປັນອັນ​ລະອຽດ​ຕື່ມ​ອີກ​ກ້າວ​ຫນຶ່​ງ ​ໂດຍສະ​ເພາະ​ຢ່າງ​ຍິ່ງ ​ໄດ້​ເນັ້ນ​ເຖິງ​ບັນ​ຫາ​ການ​ປ່ຽນ​ແປງ​​ໃຫມ່ ດ້ານ​ຈິນຕະນາການ, ດັດ​ແປງກົນ​ໄກ​ຄຸ້ມ​ຄອງ​ເສດຖະກິດ ​ແລະ ​ແບບ​ແຜນ​ວິທີ​່ເຮັດ​ວຽກ.
ກອງ​ປະຊຸມ​ໃຫຍ່ ໄດ້​ເລືອກ​ຕັ້ງຄະນະ​ບໍລິຫານ​ງານ​ສູນ​ກາງ​ພັກ ປະກອບ​ມີ: ກຳມະການ​ສົມບູນ 51 ສະຫາຍ ​ແລະ ກຳມະການ​ສຳຮອງ 9 ສະຫາຍ. ກອງ​ປະຊຸມ​ຄົບ​ຄະນະ​ຄັ້ງທີ I ຂອງຄະນະ​ບໍລິຫານ​ງານ​ສູນ​ກາງ​ພັກ ສະ​ໄຫມ​ທີ IV ໄດ້​ເປັນ​ເອກະສັນ ​ເລືອກ​ຕັ້ງກົມການ​ເມືອງ​ສູນ​ກາງ​ພັກ ປະກອບ​ດ້ວຍ ກຳມະການ​ສົມບູນ 11 ສະຫາຍຄື: ​ໄກສອນ ພົມວິຫານ, ຫນູ​ຮັກ ພູມ​ສະຫວັນ, ສຸພາ​ນຸວົງ, ພູມີ ວົງວິຈິດ, ຄ​ຳ​ໄຕ ສີພັນ​ດອນ, ພູນ ສີປະ​ເສີດ, ສີ​ສົມພອນ ລໍ​ວັນ​ໄຊ, ສີສະ​ຫວາດ ​ແກ້ວ​ບຸນ​ພັນ, ສາລີ ວົງ​ຄຳ​ຊາວ, ໄມຈັນຕານ ແສງມະນີ, ສະຫມານ ວິ​ຍາ​ເກດ​ ​ແລະ ສຳຮອງ 2 ສະຫາຍ: ອຸດົມ​ ຂັດຕິຍະ, ຈູຸມມະລີ ໄຊ​ຍະສອນ. ສະຫາຍ ​ໄກສອນ ພົມວິຫານ ​ໄດ້​ຮັບ​ເລືອກ​ເປັນ​ເລຂາ​ທິການ​ໃຫຍ່​ອີກ​ເທືອ​ຫນຶ່ງ.