|
ອອກພັນສາພາມ່ວນຊື່ນ
*ຖ້າຈະນັບຖອຍຫລັງບຸນອອກພັນສາລາພະເຈົ້າຂອງຊາວລາວທັງຫລາຍກໍຈະໝູນວຽນມາບັນຈົບຄົບຮອບອີກເທື່ອໜຶ່ງຍັງ
ອີກບໍ່ພໍເທົ່າໃດມື້ຂ້າງໜ້າກໍຈະແມ່ນມື້ບຸນອອກພັນສາຫລືບຸນປະວໍລະນາ, ແມ່ນບຸນປະເພນີສຳຄັນອັນໜຶ່ງທາງພຸດ
ທະສາສະໜາຈັດຂຶ້ນໃນເດືອນ 11 ເພັງຂຶ້ນ 15 ຄ່ຳຂອງທຸກໆປີຫລັງຈາກພະສົງໄດ້ຈຳພັນສາຢູ່ໃນວັດມາເປັນເວລາ3 ເດືອນເຕັມພໍດີຄືນັບມາຈາກເດືອນ 8 ແຮມ 1 ຄ່ຳຈົນເຖິງເດືອນ11ເພັງ.ການລໍຄອຍແລະຄວາມໂລ່ງອົກໂລ່ງໃຈຂອງໜຸ່ມໆ
ສາວໆເຖົ້າໆແກ່ໆທີ່ໝາຍໝັ້ນຢາກເຂົ້າສູ່ການວິວາກໍພາກັນ ຍິ້ມນ້ອຍຍິ້ມໃຫຍ່ຢູ່ໃຈ ບໍ່ສະເພາະແຕ່ໜຸ່ມໆສາວໆເທົ່ານັ້ນບັນດາ ຮ້ານຄ້າຮ້ານຂາຍເຄື່ອງຕ່າງໆກໍຄືຮ້ານຂາຍເຄື່ອງ
ກໍ່ສ້າງທີ່ຂາດລາຍໄດ້ມາ
ດົນກໍຄອຍດີໃຈໄປ
ເໝືອນກັນ ແລະບັນດາຄໍທອງແດງທີ່ອົດກັ້ນ ມານານກໍເຊັ່ນດຽວ ເອົາລະມາກ້າວເຂົ້າເລື່ອງບຸນອອກພັນສາກັນເທາະ.ບຸນອອກພັນສາທີ່ປູ່ຍ່າຕາຍາຍ ທີ່ເຄີຍປະຕິບັດສືບທອດ
ກັນມາແຕ່ຫລາຍເຊັ່ນຄົນຂອງທຸໆປີຄືໃນຕອນເຊົ້າຂອງເດືອນ 11
ເພັງໄດ້ມີພິທີຕັກ ບາດຖະຫວາຍທານແດ່ພະສົງຄືກັນ
ກັບບຸນປະເພນີອື່ນໆທີ່ເຄີຍປະຕິບັດກັນມາ ນອກຈາກ
ນັ້ນໃນວັດບາງແຫ່ງຍັງໄດ້ທຳພິທີຕັກ ບາດເທໂວໃນມື້ເດືອນ 11ເພັງຄືກັນເປັນການທຳບຸນລະນຶກເຖິງຄາວເມື່ອພະພຸດທະ
ເຈົ້າໄດ້ສະເດັດລົງມາຈາກເມືອງສະຫວັນຊັ້ນດາວະ ດິງມາສູ່ມະນຸດສາໂລກຕອນເມື່ອພະອົງໄດ້ສະເດັດໄປຈຳພັນສາຢູ່ທີ່ນັ້ນ
ເປັນເວລາ 3 ເດືອນ ເພື່ອເທສະ ໜາໂຜດພະມານດາສິລິມະຫາມາ ຍາ. ໃນຕອນແລງຈະມີການຈັດ ການໄຫລເຮືອ
ໄຟນຳອີກເພື່ອບູຊາພະຍານາກທີ່ດົນບັນດານໃຫ້ນ້ຳຟ້ານ້ຳຝົນຕົກລົງມາ ແກ່ຜູ້ຄົນໄດ້ເຮັດໄຮ່ເຮັດນາຕາມລະດູການ.
ວັດໃດຢູ່ແຄມນ້ຳກໍຈະພາກັນເຮັດເຮືອໄຟຢູ່ໃນນ້ຳແລ້ວໄຕ້ທູບທຽນໃສ່ເຮືອນັ້ນ ຫລືກໍປະດັບປະດາດ້ວຍໄຟຟ້າ ທີ່ມີສີສັນງົດ
ງາມເຫລື້ອມຍິບຍັບແລ້ວໄຫລລ່ອງໄປຕາມແມ່ສາຍນ້ຳຕ່າງໆທີ່ໃກ້ບ້ານຫລືກໍເຮັດເຮືອໄວ້ກັບບ່ອນບໍ່ມີການ
ເຄື່ອນຍ້າຍເບິ່ງແລ້ວກໍເປັນໜ້າສະອອນເອົາແທ້ໆ. ສ່ວນວັດທີ່ບໍ່ຢູ່ຕິດກັບແມ່ນ້ຳກໍຈະພາກັນເຮັດເຮືອໄຟຢູ່ພາຍໃນວັດ,ເຮືອນັ້ນ
ຈະເອົາກາບກົກກ້ວຍຫລືກ້ານພ້າວແລະບາງບ່ອນກໍຈະສານແຕະເຮັດຮ້ານເປັນແບບລັກສະນະຮູບເຮືອ
ແລ້ວໄຕ້ທູບທຽນໃສ່ບູຊາໃນມື້ແລງແລະຢູ່ຕາມບ້ານເຮືອນຊານກໍຈະເຮັດເຊັ່ນດຽວກັນທຸກໆເຮືອນຂອງມື້ນັ້ນ. ພາຍຫລັງອອກພັນສາແລ້ວກໍຈະມີບຸນຊ່ວງເຮືອຂອງເຫລົ່າໝູ່ບ້ານຕ່າງໆຕາມລຳແມ່ນ້ຳໃຫຍ່ນ້ອຍອັນເປັນບຸນປະເພນີມ່ວນ
ຊື່ນລື່ນເລີງອັນໜຶ່ງຂອງປະຊາຊົນລາວແລະກໍຖືວ່າເປັນ
ການເລີ່ມຕົ້ນຂອງບຸນມ່ວນຊື່ນອື່ນໆຕໍ່ໄປພາຍຫລັງທີ່ໄດ້ພັກຜ່ອນກັນມາເປັນເວລາ 3 ເດືອນຕາມລະດູການຈຳພັນສາຂອງພະສົງ.
|
