ຄອນເສີດພ້ອມໃຈລຶບລ້າງຄວາມທຸກຍາກ
“ພວກເຮົາຈະພ້ອມກັນລຶບ ລ້າງຄວາມທຸກຍາກໃຫ້ໄດ້..” ຄືສຽງປະຕິຍານຂອງສິລະປິນໄວໜຸ່ມລາວ “ສັກ ວົງ ເຊວ” ພ້ອມດ້ວຍກຸ່ມໄວໜຸ່ມ ນັກຮຽນ ນັກສຶກສາ ແລະ ປັນຍາຊົນ ທີ່ພ້ອມໃຈກັນຮ້ອງ ແລະຍົກແຂນຂຶ້ນສ້າງປະກົດການ ທີ່ມີຄວາມໝາຍ ໃນງານຄອນເສີດ ຕ້ານຄວາມທຸກຍາກ ເຊິ່ງຈັດຂຶ້ນໃນຄ່ຳວັນທີ 17 ຕຸລາຜ່ານມາ ທີ່ສູນພາສາຝຣັ່ງ ນະຄອນຫລວງວຽງ ຈັນ, ໂດຍ ລັດຖະບານລາວ ແລະ ອົງການສະຫະປະຊາຊາດເພື່ອການພັດທະນາ ປະຈຳລາວ ຮ່ວມກັນຈັດຂຶ້ນ ເນື່ອງໃນໂອກາດວັນສາ ກົນເພື່ອການລຶບລ້າງຄວາມທຸກຍາກ. ພາຍຫລັງທ່ານອ່ອນເນື້ອ ພົມ ມະຈັນ ລັດຖະມົນຕີປະຈຳສຳນັກງານນາຍົກຂຶ້ນກ່າວໄຂພິທີຢ່າງເປັນທາງການ ພ້ອມຍົກໃຫ້ເຫັນຊີ ວິດຂອງຄົນທີ່ພວມຕໍ່ສູ້ກັບໄພອຶດ ຫິວຢູ່ທົ່ວໂລກ ກໍຄືຢູ່ ສປປ ລາວ, ຂະນະທີ່ ທ່ານນາງ ໂຊນາມ ຢັງເຈັນ ໂຣນາ ຜູ້ປະສານງານອົງ ການສະຫະປະຊາຊາດເພື່ອການພັດທະນາ ກໍຮ້ອງຂໍໃຫ້ນັກຮຽນນັກສຶກສາ ເຮັດໜ້າທີ່ຂອງຕົນໃຫ້ລ້ອນ ໂດຍການຍົກເອົາເດັກນ້ອຍ ໃນເຂດຊົນນະບົດ ເຊິ່ງບໍ່ມີໂອກາດແມ່ນແຕ່ຈະໄດ້ຈັບສໍນັ່ງຂຽນໜັງສື ຍ້ອນຄວາມທຸກຍາກ. ສິລະປິນກຸ່ມ ພັງກີ ດອນ (Punky Doll) ເປັນວົງທຳອິດທີ່ອອກມາສ້າງສີສັນໃຫ້ເວທີ ດ້ວຍການຮ້ອງ ແລະ ຫລິ້ນດົນຕີ ປະເພດ ຣັອກ (ແນວເພງສະໄຫມໃຫມ່) ໃນ ຜົນງານຂອງພວກເຂົາ ຮຽກເອົາສຽງຮ້ອງໂຮ ແລະ ຍົກແຂນ ສັ່ນຫົວຈາກຜູ້ຊົມເປັນຢ່າງດີ ກ່ອນຈະປິດທ້າຍດ້ວຍເພງທີ 4 ທີ່ມີຈັງ ຫວະເບົາໆຄື: ພົບກັນທີ່ຂອບຟ້າ. ຈາກນັ້ນທ້າວ ສັກ ພ້ອມດ້ວຍສະ ມາຊິກໃນວົງ ກໍອອກມາປຸກໃຈຊາວໜຸ່ມໃຫ້ມີສະຕິ ດ້ວຍການຍົກຄຳເຂົ້າໜຽວນ້ອຍໆຂຶ້ນມາ ແລ້ວອ້າງວ່າ: “ເຖິງມັນຈະນ້ອຍ ແຕ່ຄົນບາງຄົນຍັງບໍ່ມີໂອກາດຮອດຈະໄດ້ກິນ” ຄຳເວົ້າສັ້ນໆ ແຕ່ກໍເຮັດໃຫ້ຊາວໜຸ່ມທີ່ພວມຈັບຈ້ອງຢູ່ເທິງເວທີ ສະ ຫງົບງຽບ; ຈາກນັ້ນ ພວກເຂົາກໍຫລິ້ນດົນຕີ ແລະ ຮ້ອງເພງ “ດີກວ່າບໍ່ມີໃຜ” ຈັງຫວະໄວ, ສ່ວນໄວໜຸ່ມກໍ່ມ່ວນຢ່າງໃຫຍ່ ເພາະທັງເຕັ້ນ ທັງຮ້ອງໄປຕາມສິລະປິນຢ່າງມ່ວນຊື່ນ. ສັກ ວົງເຊວ ໄດ້ນຳເອົາເພງໃນອາລະບຳ ມາຮ້ອງຫລາຍເພງ ເຊິ່ງເປັນທີ່ຮູ້ຈັກດີໃນກຸ່ມຂອງໄວໜຸ່ມ ບໍ່ວ່າຈະເປັນ ເພງຊ້າ ຫລືເພງໄວເຊັ່ນ: ຫວານ, ດີກວ່າບໍ່ມີ ແລະ ຄົນມືສອງ; ນອກນີ້ ກໍມີເພງທີ່ຢືມຈາກ “ໂອເວີ ແດ໊ນ” ກຸ່ມສິລະປິນຮ່ວມຄ້າຍມາຮ້ອງຄື: ເພງ ຄົນຂອງເຈົ້າ ແລະ ເພງຂອງ ລິງຄິນ ພາກ Linkin Park ສິລະປິນຕ່າງປະເທດໃນບົດເພງ: ວັອດ ໄອ ແຮັບ ດັນ what I’ve done ..ຮ້ອງໄດ້ມ່ວນທັງເພງເພິ່ນ ເພງໂຕ ແນວນີ້ ກໍຮັບໄປເລີຍ ສຽງຮ້ອງໂຮນິຍົມຊົມຊອບຈາກ ໜຸ່ມໆສາວໆ ທີ່ໄປໃຫ້ກຳລັງໃຈໃນຄ່ຳຄືນນັ້ນ. ຄວາມດຸໝັ່ນ, ຊື່ສັດ, ມັດທະ ຍັດ, ອົດທົນ ບວກພ້ອມກັບການສຶກ ສາຮຽນຮູ້ ມີແຕ່ສິ່ງເຫລົ່ານີ້ເທົ່ານັ້ນ ຈຶ່ງຈະພາພົ້ນທຸກ, ອົດສາຮ່ຳຮຽນ ແຕ່ມື້ນີ້ ມື້ໜ້າຈຶ່ງສະບາຍ ສ່ວນວ່າຢາກໄດ້ຫຍັງ ກິນຫຍັງ ດື່ມຫຍັງ ທີ່ເປັນການຂັດຕໍ່ການສະສົມປັນຍາຂອງເຮົາ ຄວນອົດໄວ້ຈະດີກ່ອນບໍ?./.
