ຄຳມ່ວນ ຢຶດຫລັກການທ່ອງທ່ຽວແບບມີສ່ວນຮ່ວມ
ຂະນະ ທີ່ ປີຜ່ານມາລາຍຮັບກວ່າ 144 ຕື້
*(ຂປລ): ພາຍຫລັງທີ່ແຂວງຄຳມ່ວນ ໄດ້ມີການເພີ່ມທະວີການຮ່ວມມື ກັບອົງການຈັດຕັ້ງສາກົນ ໃນການພັດ ທະນາແຫລ່ງທ່ອງທ່ຽວແບບປະຊາຊົນມີສ່ວນຮ່ວມ ຊຶ່ງໄດ້ຮັບຜົນສຳເລັດຢ່າງໂດດເດັ່ນ ແລະ ໄດ້ຮັບຄວາມນິຍົມຊົມຊອບ ຈາກນັກທ່ອງທ່ຽວທັງພາຍໃນ ແລະ ຕ່າງປະເທດ ຢ່າງຫລວງຫລາຍ. ນອກນັ້ນ ການເປີດ ນຳໃຊ້ຂົວມິດຕະພາບ ລາວ-ໄທ ແຫ່ງທີສາມເປັນອີກທ່າແຮງດຶງດູດນັກທ່ອງທ່ຽວ ເຂົ້າມາແຂວງຄຳມ່ວນ. ໃນປີ 2010 ມີນັກທ່ອງທ່ຽວເຂົ້າ ມາ 174.525 ເທື່ອຄົນ ແລະ ໃນປີ 2011 ເພີ່ມຂຶ້ນເປັນ 254.324 ເທື່ອຄົນ, ສ້າງລາຍຮັບສະເລ່ຍໄດ້ 144 ຕື້ກວ່າກີບ.
ແຂວງຄຳມ່ວນ ໄດ້ກຳນົດ 3 ທ່າແຮງຕົ້ນຕໍ ເພື່ອການພັດທະນາເສດຖະກິດ-ສັງຄົມຄື: ດ້ານກະສິກຳ-ປ່າໄມ້, ພະລັງງານ-ບໍ່ແຮ່, ການບໍລິການທາງຜ່ານ ແລະ ການທ່ອງທ່ຽວ. ມີປ່າສະຫງວນແຫ່ງຊາດ 3 ແຫ່ງ: ນາກາຍ-ນ້ຳເທີນ, ພູຫີນບູນ ແລະ ພູຫີນໜາມໜໍ່. ນອກນີ້ ຍັງມີແມ່ນ້ຳຫລາຍສາຍທີ່ເປັນທ່າແຮງ ໃຫ້ການຜິດ ກະແສໄຟຟ້າ, ຜະລິດກະສິກຳ ແລະ ການທ່ອງທ່ຽວ, ຍັງມີວັດຖຸບູຮານ, ສະຖານບູຮານທີ່ເກົ່າແກ່ ທີ່ເປັນມໍລະດົກຕົກທອດ ທາງດ້ານວັດທະນະທຳ. ມີແຫລ່ງທ່ອງ ທ່ຽວ ທັງໝົດ 146 ແຫ່ງ, ໃນນີ້ ແຫລ່ງທ່ອງທ່ຽວທຳມະຊາດກວມເຖິງ 119 ແຫ່ງ. ດ້ວຍເຫດຜົນດັ່ງ ກ່າວ ແຂວງຈຶ່ງໄດ້ກຳນົດເປັນບູລິມະສິດໃນປີ 2002 ແລະ ຮ່ວມມືກັບອົງການຈັດຕັ້ງສາກົນ ດຳເນີນໂຄງການພັດທະ ນາແຫລ່ງທ່ອງທ່ຽວແບບປະຊາຊົນມີສ່ວນຮ່ວມ ໃນລະຫວ່າງປີ 2003-2008 ຊຶ່ງ ປະກອບດ້ວຍກິດ ຈະກຳຫລາຍຢ່າງ ເຊັ່ນ: ການສ້າງຄວາມເຂັ້ມແຂງໃຫ້ສະຖາບັນ/ຊຸມຊົນ, ສ້າງຈິດສຳນຶກດ້ານຜົນປະໂຫຍດຜົນກະທົບ ຈາກການທ່ອງທ່ຽວ, ສົ່ງເສີມຜະລິດຕະພັ ນການທ່ອງທ່ຽວ, ການກໍ່ສ້າງສິ່ງອຳນວຍຄວາມສະດວກຕ່າງໆ, ລວມເຖິງການພັດທະນາ ຊັບພະຍາກອນມະນຸດ, ບົດບາດຍິງ-ຊາຍແບບມີສ່ວນຮ່ວມ, ການມີ ສ່ວນຮ່ວມຂອງປະຊາຊົນບັນດາເຜົ່າ, ການໂຄສະ ນາສະໜອງຂໍ້ມູນ-ຂ່າວສານ ແລະ ອື່ນໆ. ຜ່ານການປະຕິບັດຕົວຈິງ ສາມາດສ້າງວຽກເຮັດງານທຳ, ສ້າງລາຍ ຮັບ ໃຫ້ຄອບຄົວ ແກ້ໄຂຄວາມທຸກຍາກ ສິ່ງສຳຄັນແມ່ນໄດ້ອະນຸລັກ ປົກປັກຮັກສາ ແລະ ຄຸ້ມຄອງນຳໃຊ້ແຫລ່ງຊັບພະຍາ ກອນ ທີ່ເປັນມໍລະດົກວັດທະນະທຳ ແລະ ທຳມະຊາດ ໃຫ້ຍືນຍົງ.
ຈາກບົດຮຽນດັ່ງກ່າວ ແຂວງຄຳມ່ວນ ໄດ້ຢຶດຫລັກການກຳນົດເອົາແນວທາງ ແລະ ຍຸດທະສາດ ”ການພັດທະ ນາການທ່ອງທ່ຽວອະນຸລັກ ແບບປະຊາຊົນ ມີສ່ວນຮ່ວມ” ໃນການສືບຕໍ່ພັດທະນາແຫລ່ງທ່ອງທ່ຽວ ທາງທຳມະຊາດ ແລະ ວັດທະນະທຳອີກຫລາຍແຫ່ງ ເຊັ່ນ: ແຫລ່ງທ່ອງທ່ຽວພະທາດສີໂຄດຕະບອງ ຊຶ່ງ ເປັນປູສະນິຍະ ສະຖານອັນເກົ່າ ແກ່ຍາວນານ ຊຶ່ງເປັນທີ່ສັກກະລະເຄົາລົບບູຊາ ຂອງຊາວແຂວງຄຳມ່ວນ ແລະ ປວງຊົນລາວທັງຊາດ. ປະຈຸບັນ ໄດ້ຮັບ ການພັດ ທະນາໃຫ້ເປັນ ”ສວນວັດທະນະທຳສີໂຄດຕະບອງ” ທັງເປັນບູລິມະສິດຂອງແຜນພັດທະນາເມືອງທ່າແຂກ ໃຫ້ ເປັນເມືອງທ່ອງທ່ຽວ ແລະ ໜ້າຢູ່. ສືບຕໍ່ພັດທະນາ ແລະ ປັບປຸງແຫລ່ງທ່ອງທ່ຽວຖ້ຳພະ ໜອງປາຝາ ແບບປະຊາຊົນມີ ສ່ວນຮ່ວມ ໂດຍໄດ້ສ້ອມແປງປູຢາງເສັ້ນທາງ ແລະ ຂົວເຂົ້າຫາແຫລ່ງທ່ອງທ່ຽວ, ນັບທັງ ຕະຫລາດ, ຫ້ອງຂໍ້ມູນ-ຂ່າວ ສານ ແລະ ອື່ນໃຫ້ຄົບຖ້ວນກວ່າເກົ່າ. ເຊັ່ນດຽວກັບແຫລ່ງທ່ອງທ່ຽວ ຖ້ຳມະຫັດສະຈັນກອງລໍ-ນາຕານ ກໍໄດ້ຮັບການ ພັດທະນາ ແບບປະຊາຊົນມີສ່ວນຮ່ວມ ເພື່ອຄວາມຍືນຍົງ ປະຈຸບັນ ໄດ້ມີການກໍ່ສ້າງທາງຍ່າງຊົມບ້ານຕ່າງໆ, ບ່ອນ ຈອດລົດ, ຫ້ອງຂໍ້ມູນ-ຂ່າວສານ ແລະ ບ່ອນກຳຈັດ ຂີ້ເຫຍື້ອ ແລະ ອື່ນໆ ເພື່ອດຶງດູດນັກທ່ອງທ່ຽວໃຫ້ຫລາຍຂຶ້ນ. ນອກນີ້ ແຂວງຄຳມ່ວນ ຍັງໄດ້ສ້າງແຜນພັດທະນາການທ່ອງທ່ຽວ ແບບປະຊາຊົນມີສ່ວນຮ່ວມ ສະຖານທີ່ທ່ອງທ່ຽວ ຂຸນນ້ຳ ກອງແລງ ແລະ ຖ້ຳນ້ຳລອດເຊບັ້ງໄຟ ເພື່ອກະກຽມສ້າງໃຫ້ເປັນແຫລ່ງທ່ອງທ່ຽວລະດັບ ຊາດ ໃນອະນາຄົດໃກ້ໆນີ້./.
ກັບສາລະບານ
