| ຖະແຫລງຂ່າວກ່ຽວກັບຜົນສຳເລັດເບື້ອງຕົ້ນຂອງກອງປະຊຸມຄັ້ງປະຖົມມະລືກ
ຂອງສະພາແຫ່ງຊາດຊຸດທີ VI *(ຂປລ,08/06/2006) ພາຍຫລັງກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ VI  ດຳເນີນມາຢ່າງ
ເຄັ່ງຮ້ອນໃນມື້ທຳອິດ 8/6/2006 ຕອນບ່າຍຂອງວັນ
ດຽວກັນ ທ່ານ ໄຊສົມພອນ ພົມວິຫານ ຮອງປະທານ
ສະພາແຫ່ງຊາດ, ໃນນາມຫົວຫນ້າຄະນະກອງເລຂາ
ຂອງກອງປະຊຸມດັ່ງກ່າວ ໄດ້ແຈ້ງກ່ຽວກັບຜົນສຳເລັດ
ການເລືອກຕັ້ງຄະນະນຳ
ສະພາແຫ່ງຊາດຊຸດທີ VI, ການເລືອກຕັ້ງປະທານ ແລະ
ຮອງປະທານປະເທດແຫ່ງ ສປປ ລາວ, ການເລືອກຕັ້ງປະທານ
ສານປະຊາຊົນສູງສຸດ ແລະ ໄອຍະການ
ປະຊາຊົນສູງສຸດ, ການພິຈາລະນາ ແລະ ຮັບຮອງເອົາໂຄງປະກອບກົງຈັກລັດຖະບານຊຸດໃຫມ່ ລາຍລະອຽດມີດັ່ງລຸ່ມນີ້:
ກອງປະຊຸມໄດ້ສຳເລັດການເລືອກຕັ້ງປະທານ, ຮອງປະທານ ແລະ ກຳມະການຄະນະປະຈຳສະພາແຫ່ງຊາດຊຸດທີ VI ຄື:
1 ທ່ານ ທອງສິງ ທຳມະວົງ ເປັນປະທານສະພາແຫ່ງຊາດ;
2 ທ່ານ ນາງ ປານີ ຢາທໍຕູ້ ເປັນຮອງປະທານ;
3 ທ່ານ ດຣ. ໄຊສົມພອນ ພົມວິຫານ ເປັນຮອງປະທານ;
4 ທ່ານ ເກຢຸນ ຍົດໄຊວິບູນ ເປັນກຳມະການຄະນະປະຈຳ;
5 ທ່ານ ຄຳສິງ ໄຊຍະກອນ ເປັນກຳມະການ ຄະນະປະຈຳ;
6 ທ່ານ ດຣ. ທອງພັນ ຈັນທະລານົນ ເປັນກຳມະການຄະນະປະຈຳ;
7 ທ່ານ ດວງດີ ອຸດທະຈັກ ເປັນກຳມະການ ຄະນະປະຈຳ;
8 ທ່ານ ພຈວ. ຄຳແວວ ສີໂຄດຈຸນລະມະນີ ເປັນກຳມະການ ຄະນະປະຈຳ;
9 ທ່ານ ທອງເຕີນ ໄຊຍະເສນ ເປັນກຳມະການ ຄະນະປະຈຳ.
ກອງປະຊຸມຍັງໄດ້ພິຈາລະນາ ແລະ ຮັບຮອງເອົາກົງຈັກຊ່ວຍວຽກຂອງສະພາແຫ່ງຊາດ
ຊຸດທີ VI ມີລາຍລະອຽດດັ່ງລຸ່ມນີ້:
1 ກຳມາທິການ ກົດຫມາຍ ເຊິ່ງແມ່ນ ທ່ານ ເກຢຸນ ຍົດໄຊວິບູນ ເປັນຫົວຫນ້າ,
ທ່ານ ດາວອນ ຫວ່າງວິຈິດ ເປັນຮອງຫົວຫນ້າ; ທ່ານ ດຣ. ອຸ່ນແກ້ວ ວຸທິລາດ ເປັນຮອງຫົວຫນ້າ.
2 ກຳມາທິການເສດຖະກິດ-ແຜນການ ແລະ ການເງິນ ໂດຍແມ່ນທ່ານ ຄຳສິງ ໄຊຍະກອນ
ເປັນຫົວຫນ້າ, ທ່ານ ນາງ ດຣ. ສຸວັນເພັງ ບຸບຜາວົງ ເປັນຮອງຫົວຫນ້າ.
3 ກຳມາທິການວັດທະນະທຳສັງຄົມ: ທ່ານ ດວງດີ ອຸດທະຈັດ ເປັນຫົວຫນ້າ; ທ່ານ
ດຣ. ສົມພູ ດວງສະຫວັນ ເປັນຮອງຫົວຫນ້າ; ທ່ານ ສດຈ. ດຣ. ພອນເທບ ພົນເສນາ ເປັນຮອງຫົວຫນ້າ.
4 ກຳມາທິການບັນດາເຜົ່າ: ທ່ານ ນາງ ດຣ. ທອງພັນ ຈັນທະລານົນ ເປັນຫົວຫນ້າ; ທ່ານ ຄຳເຫລັກ ແກ້ວສົມພັນ
ເປັນຮອງຫົວຫນ້າ; ທ່ານ ພົງສະເຫນ່ ຍຸຕິທຳ ເປັນຮອງຫົວຫນ້າ.
5 ກຳມາທິການປ້ອງກັນຊາດ-ປ້ອງກັນຄວາມສະຫງົບ: ທ່ານ ພຈວ ຄຳແວວ ສີໂຄດຈູນລະມະນີ ເປັນຫົວຫນ້າ;
ທ່ານ ພັນເອກ ຖາວອນ ຕັນດາວົງ ເປັນຮອງຫົວຫນ້າ.
6 ກຳມາທິການການຕ່າງປະເທດ: ທ່ານ ດຣ. ໄຊສົມພອນ ພົມວິຫານ ເປັນຫົວຫນ້າ; ທ່ານ ດຣ. ກຸແກ້ວ ອັກຄະມົນຕ
ີ ເປັນຮອງຫົວຫນ້າ.
7. ຫ້ອງວ່າການສະພາແຫ່ງຊາດ: ທ່ານ ທອງເຕີນ ໄຊຍະເສນ ເປັນຫົວຫນ້າ.
ກອງປະຊຸມໄດ້ຮັບຮອງເອົາການແຕ່ງຕັ້ງຄະນະລັດຖະສະພາສາກົນ ປະຈຳສະພາແຫ່ງຊາດ ເຊິ່ງມີທ່ານ ທອງສິງ ທຳມະວົງ
ເປັນປະທານ, ທ່ານ ດຣ. ໄຊສົມພອນ ພົມວິຫານ ເປັນຮອງປະທານ; ທ່ານ ດຣ. ກຸແກ້ວ ອັກຄະມົນຕີ
ເປັນເລຂາທິການ. ບັນດາທ່ານ ສະມາຊິກ ສະພາແຫ່ງຊາດ ຈຳນວນ 115 ທ່ານ ເປັນສະມາຊິກ.
ກອງປະຊຸມໄດ້ເລືອກຕັ້ງປະທານ ແລະ ຮອງປະທານປະເທດແຫ່ງ ສປປ ລາວ ເຊິ່ງມີບັນດາທ່ານ ດັ່ງລຸ່ມນີ້:
1. ທ່ານ ຈູມມະລີ ໄຊຍະສອນ ເປັນປະທານປະເທດ.
2. ທ່ານ ບຸນຍັງ ວໍລະຈິດ ເປັນຮອງປະທານປະເທດ.
ກອງປະຊຸມໄດ້ເລືອກຕັ້ງເອົາປະທານສານປະຊາຊົນສູງສຸດ ແລະ ໄອຍະການປະຊາຊົນສູງສຸດ ເຊິ່ງມີບັນດາທ່ານ ລຸ່ມນີ້:
1. ທ່ານ ຄຳມີ ໄຊຍະວົງ ເປັນປະທານສານປະຊາຊົນສູງສຸດ.
2. ທ່ານ ສົມພັນ ແພງຄຳມີ ເປັນໄອຍະການປະຊາຊົນສູງສຸດ.
ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ VI ໄດ້ພິຈາລະນາ ແລະ ຮັບຮອງເອົາການສະເຫນີແຕ່ງຕັ້ງ
ທ່ານ ບົວສອນ ບຸບຜາວັນ ເປັນນາຍົກລັດຖະມົນຕີ ຕາມການສະເຫນີຂອງທ່ານ ປະທານປະເທດແຫ່ງ ສປປ ລາວ;
ນອກຈາກນັ້ນ ກອງປະຊຸມຍັງໄດ້ພິຈາລະນາ ແລະ ຮັບຮອງເອົາໂຄງປະກອບກົງຈັກຂອງລັດຖະບານຊຸດໃຫມ່
ເຊິ່ງມີ 16 ກະຊວງ ແລະ ອົງການທຽບເທົ່າ (ໃນນັ້ນ ມີ 13 ກະຊວງ ແລະ 3 ອົງການທຽບເທົ່າ) ລາຍລະອຽດມີດັ່ງນີ້:
1. ສຳນັກງານນາຍົກລັດຖະມົນຕີ.
2. ກະຊວງປ້ອງກັນປະເທດ.
3. ກະຊວງປ້ອງກັນຄວາມສະຫງົບ.
4. ກະຊວງການຕ່າງປະເທດ.
5. ກະຊວງຍຸຕິທຳ.
6. ກະຊວງການເງິນ
7. ກະຊວງກະສິກຳ ແລະ ປ່າໄມ້.
8. ກະຊວງອຸດສາຫະກຳ ແລະ ການຄ້າ (ກະຊວງໃຫມ່).
9. ກະຊວງພະລັງງານ ແລະ ບໍ່ແຮ່ (ກະຊວງໃຫມ່).
10. ກະຊວງຄົມມະນາຄົມ, ຂົນສົ່ງ, ໄປສະນີ ແລະ ກໍ່ສ້າງ.
11. ທະນາຄານແຫ່ງ ສປປ ລາວ.
12. ຄະນະກຳມະການແຜນການ ແລະ ການລົງທຶນ.
13. ກະຊວງສຶກສາທິການ.
14. ກະຊວງ ສາທາລະນະສຸກ.
15. ກະຊວງ ຖະແຫລງຂ່າວ ແລະ ວັດທະນະທຳ.
16. ກະຊວງແຮງງານ ແລະ ສະຫວັດດີການສັງຄົມ.
ລາຍຊື່ສະມາຊິກລັດຖະບານຊຸດໃຫມ່ມີດັ່ງລຸ່ມນີ້:
1. ທ່ານ ອາຊາງ ລາວລີ ຮອງນາຍົກລັດຖະມົນຕີ, ປະທານອົງການກວດກາແຫ່ງລັດ.
2. ທ່ານ ທອງລຸນ ສີສຸລິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ.
3. ທ່ານ ພົນຕີ ດວງໃຈ ພິຈິດ ຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ.
4. ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ປະຈຳການລັດຖະບານ.
5. ທ່ານ ທອງບັນ ແສງອາພອນ ລັດຖະມົນຕີວ່າການກະຊວງປ້ອງກັນຄວາມສະຫງົບ.
6. ທ່ານນາງ ອ່ອນຈັນ ທຳມະວົງ ລັດຖະມົນຕີ ວ່າການ ກະຊວງແຮງງານ ແລະ ສະຫວັດດີການສັງຄົມ.
7. ທ່ານ ຈັນສີ ໂພສີຄຳ ລັດຖະມົນຕີວ່າການກະຊວງການເງິນ.
8. ທ່ານ ຫມູນແກ້ວ ອໍລະບູນ ລັດຖະມົນຕີ ວ່າການ ກະຊວງຖະແຫລງຂ່າວ-ວັດທະນະທຳ.
9. ທ່ານ ຈະເລີນ ເຢຍປາວເຮີ ລັດຖະມົນຕີວ່າການກະຊວງຍຸຕິທຳ.
10. ທ່ານ ສຸລິວົງ ດາລາວົງ ປະທານຄະນະກຳມະການແຜນການ ແລະ ການລົງທຶນ.
11. ທ່ານນາງ ບຸນເພັງ ມູນໂພໄຊ ລັດຖະມົນຕີປະຈຳ ສນຍ, ຫົວຫນ້າທະບວງການປົກຄອງ ແລະ ຄຸ້ມຄອງລັດຖະກອນ.
12. ທ່ານ ສຸບັນ ສະຣິດທິລາດ ລັດຖະມົນຕີ, ຫົວຫນ້າຫ້ອງວ່າການສຳນັກງານປະທານປະເທດ.
13. ທ່ານດຣ. ປອນເມກ ດາລາລອຍ ລັດຖະມົນຕີວ່າການກະຊວງສາທາລະນະສຸກ.
14. ທ່ານ ສຈ.ດຣ. ສົມກົດ ມັງນໍເມກ ລັດຖະມົນຕີ ວ່າການກະຊວງສຶກສາທິການ.
15. ທ່ານດຣ. ນາມ ວິຍະເກດ ລັດຖະມົນຕີວ່າການກະຊວງອຸດສາຫະກຳ-ການຄ້າ.
16. ທ່ານ ເຈືອງ ສົມບູນຂັນ ລັດຖະມົນຕີປະຈຳ ສນຍ, ຫົວຫນ້າຄະນະເລຂາທິການລັດຖະບານ.
17. ທ່ານດຣ. ບ່ໍສາຍຄຳ ວົງດາຣາ ລັດຖະມົນຕີ ວ່າການກະຊວງພະລັງງານ ແລະ ບໍ່ແຮ່.
18. ທ່ານ ສົມມາດ ພົນເສນາ ລັດຖະມົນຕີ ວ່າການ ກະຊວງ ຄຂປກ.
19. ທ່ານ ່ອ່ອນເນື້ອ ພົມມະຈັນ ລັດຖະມົນຕີ ປະຈຳ ສນຍ.
20. ທ່ານ ຄຳອ້ວນ ບຸບຜາ ລັດຖະມົນຕີ ປະຈຳ ສນຍ.
21. ທ່ານ ສຈ ດຣ. ບຸນຕຽມ ພິດສະໄຫມ ລັດຖະມົນຕີປະຈຳສນຍ, ຫົວຫນ້າອົງການວິທະຍາສາດ, ເຕັກໂນໂລຢີ ແລະ
ສິ່ງແວດລ້ອມ.
22. ທ່ານ ໄຊເຊັງລີ ເຕັງເບຼຍຈື້ ລັດຖະມົນຕີ ປະຈຳ ສນຍ.
23. ທ່ານ ທ່ານ ສົມພົງ ມົງຄົນວິໄລ ລັດຖະມົນຕີປະຈຳສນຍ, ຫົວຫນ້າອົງການທ່ອງທ່ຽວແຫ່ງຊາດ.
24. ທ່ານ ບົວສີ ລໍວັນໄຊ ລັດຖະມົນຕີ ປະຈຳ ສນຍ.
25. ທ່ານ ຄຳລວດ ສິດລາກອນ ລັດຖະມົນຕີປະຈຳສນຍ, ປະທານຄະນະກຳມະການແມ່ນ້ຳຂອງແຫ່ງຊາດ.
26. ທ່ານ ສີຕາເຮັ່ງ ລາຊະພົນ ລັດຖະມົນຕີ ວ່າການກະຊວງກະສິກຳ-ປ່າໄມ້.
27. ທ່ານ ພູເພັດ ຄຳພູນວົງ ຜູ້ວ່າການທະນາຄານແຫ່ງ ສປປ ລາວ.
- --- - - - - - - -- - - -- -- - - -- --- - - - - -- -
ຊີວະປະຫວັດຫຍໍ້ຂອງທ່ານ ຈູມມະລີ ໄຊຍະສອນ, ປະທານປະເທດ ແຫ່ງ ສປປ ລາວ
*(ຂປລ,08/06/2006): ທ່ານ ຈູມມະລີ ໄຊຍະສອນ ເກີດເມື່ອວັນທີ 6 ມີນາ 1936 ໃນຄອບຄົວຊາວນາ
ທີ່ບ້ານວັດເຫນືອ, ເມືອງໄຊເສດຖາ, ແຂວງອັດຕະປື, ເຜົ່າລາວລຸ່ມ.
- ທ່ານ ໄດ້ເຂົ້າການປະຕິວັດໃນປີ 1954 ດ້ວຍການເປັນທະຫານຂຶ້ນໄປເຂດເຕົ້າໂຮມຊຳເຫນືອ ແລະໄດ້ຮັບເຂົ້າເປັນສະມາຊິກສົມບູນຂອງພັກປະຊາ
ຊົນລາວ(ພັກປະຊາຊົນປະຕິວັດລາວ) ໃນວັນທີ 7 ທັນວາ
1955.
- ທ່ານ ຈູມມະລີ ໄຊຍະສອນ ໄດ້ຜ່ານການຝຶກຝົນ ທົດສອບໃນແປວໄຟຂອງສົງຄາມປະຕິວັດ ປົດປ່ອຍຊາດ
ດ້ວຍການເຂົ້າຮ່ວມໃນບັ້ນຮົບ ບັ້ນຕີ ທີ່ສຳຄັນໆເລີ່ມຈາກການເຄື່ອນໄຫວສູ້ຮົບປ້ອງກັນເຂດເຕົ້າໂຮມ ໃນປີ 1955-1956 ຈົນເຖິງການບັນຊາກຳລັງ
ປະກອບອາວຸດ ແຂວງຊຽງຂວາງປົດປ່ອຍສາລາພູຄູນ-ກາສີ-ວັງວຽງ-ໂພນໂຮງ-ວຽງຈັນ ໃນປີ 1975
ເພື່ອເປັນເງື່ອນໄຂ ຫນູນຫນີບໃຫ້ແກ່ການຢຶດອຳນາດໃນທົ່ວປະເທດ ແລະ ສະຖາປະນາ ສປປ ລາວ
ໃນວັນທີ 2 ທັນວາ ປີ 1975.
- ທ່ານ ໄດ້ຖືກມອບຫມາຍໃຫ້ຮັບຜິດຊອບຫນ້າທີ່ສຳຄັນໂດຍເລີ່ມຈາກການເປັນຮອງຫົວຫນ້າຫມູ່ໃນປີ 1959,
ເປັນຫົວຫນ້າຫມວດ ຈົນກ້າວຂັ້ນບັນຊາກອງພັນໂດຍກົງ; ຕໍ່ມາໄດ້ເປັນຫົວຫນ້າເສນາເຂດ
ແລະເປັນຮອງເລຂາຄະນະພັກເຂດ ໃນປີ 1972 , ເປັນຫົວຫນ້າກົມສູ້ຮົບ ກົມໃຫຍ່ເສນາທິການ ແລະ
ເປັນຮອງຫົວຫນ້າກົມໃຫຍ່ເສນາທິການໃນປີ 1980, ເປັນຮອງລັດຖະມົນຕີກະຊວງປ້ອງກັນ
ປະເທດ ໃນປີ 1982 ແລະ ໄດ້ຮັບປະດັບຊັ້ນພົນໂທ ໃນປີ 1990 ແລະເປັນລັດຖະມົນຕີ
ກະຊວງປ້ອງກັນປະເທດໃນປີ 1991.
- ທ່ານ ຈູມມະລີ ໄຊຍະສອນ ໄດ້ເປັນພະນັກງານນຳພາໃນຫລາຍຕຳແຫນ່ງທີ່ສຳຄັນ ໂດຍເລີ່ມຈາກ
ເປັນການເມືອງຫມວດໃນປີ 1960, ເປັນຜູ້ບັນຊາການ ແລະເປັນເລຂາຄະນະພັກກອງພັນ,
ເປັນເລຂາຄະນະພັກເຂດຊຽງຂວາງ. ຕໍ່ມາໄດ້ເປັນຄະນະພັກກົມໃຫຍ່ເສນາທິການ ແລະຕໍ່ມາ
ເປັນເລຂາຄະນະພັກກົມດັ່ງກ່າວ ໃນປີ 1980 ; ໃນກອງປະຊຸມໃຫຍ່ຄັ້ງທີ III ຂອງພັກ, ທ່ານ
ໄດ້ຮັບເລືອກຕັ້ງເປັນກຳມະການສູນກາງພັກ; ໃນກອງປະຊຸມໃຫຍ່ຄັ້ງທີ IV ໄດ້ຮັບເລືອກຕັ້ງ
ເປັນກຳມະການສຳຮອງກົມການເມືອງສູນກາງພັກ ແລະໄດ້ເປັນກຳມະການກົມການເມືອງ
ສູນກາງພັກ ຕັ້ງແຕ່ກອງປະຊຸມໃຫຍ່ຄັ້ງທີ V ເປັນຕົ້ນມາ ຈົນເຖິງກອງປະຊຸມໃຫຍ່ຄັ້ງທີ VIII.
- ແຕ່ປີ 2001 ເປັນຕົ້ນມາ, ທ່ານ ຈູມມະລີ ໄຊຍະສອນ ໄດ້ດຳລົງຕຳແຫນ່ງ ເປັນຮອງ
ປະທານປະເທດ ແຫ່ງ ສປປ ລາວ, ທັງເປັນຮອງປະທານຄະນະປ້ອງກັນຊາດ-ປ້ອງກັນ
ຄວາມສະຫງົບຂັ້ນສູນກາງ;
- ແຕ່ປີ 2003 ເປັນຕົ້ນມາ ທ່ານ ຈູມມະລີ ໄຊຍະສອນ ໄດ້ຖືກແຕ່ງຕັ້ງເປັນຜູ້ປະຈຳການ
ກົມການເມືອງສູນກາງພັກ.
- ທ່ານ ຈູມມະລີ ໄຊຍະສອນ ໄດ້ຮຽນການທະຫານ ຊັ້ນສູງ ຢູ່ອະດີດສະຫະພາບໂຊວຽດ
ແລະທິດສະດີຊັ້ນສູງ ຢູ່ ສສ ຫວຽດນາມ.
- ກອງປະຊຸມຄົບຄະນະຄັ້ງປະຖົມມະລືກ ຂອງຄະນະບໍລິຫານງານສູນກາງພັກສະໄຫມທີ VIII
ໃນວັນທີ 21 ມີນາ 2006 ໄດ້ເປັນເອກະສັນເລືອກຕັ້ງ ທ່ານ ຈູມມະລີ ໄຊຍະສອນ ເປັນເລຂາທິການໃຫຍ່ຄະນະບໍລິຫານສູນກາງພັກປະຊາຊົນປະຕິວັດລາວ.
- ກອງປະຊຸມຄັ້ງປະຖົມມະລຶກ ຂອງສະພາແຫ່ງຊາດຊຸດທີ VI ໃນວັນທີ 08 ມິຖຸນາ 2006
ໄດ້ເປັນເອກະສັນເລືອກຕັ້ງ ທ່ານ ຈູມມະລີ ໄຊຍະສອນ ເປັນປະທານປະເທດ ແຫ່ງ ສປປ ລາວ. /.
- --- - - - - - - -- - - -- -- - - -- --- - - - - -- - ປະຫວັດຫຍໍ້ ຂອງ ທ່ານ ທອງສິງ ທຳມະວົງ, ປະທານ ສະພາແຫ່ງຊາດ *(ຂປລ, ທ່ານ ທອງສິງ ທຳມະວົງ ເກີດ ເມື່ອວັນທີ 12 ເມສາ 1944 ທີ່ ບ້ານຊ່ອນເຫນືອ, ເມືອງວຽງທອງ,
ແຂວງຫົວພັນ,  ຊົນເຜົ່າລາວລຸ່ມ. ປະຈຸບັນຢູ່ບ້ານສີສັງວອນ, ເມືອງໄຊເສດຖາ, ນະຄອນຫລວງວຽງຈັນ.
- ຊັ້ນຕຳແຫນ່ງ ແລະ ຫນ້າທີ່ຮັບຜິດຊອບ:
ກຳມະການກົມການເມືອງສູນກາງພັກ,
ເຈົ້າຄອງນະຄອນຫລວງວຽງຈັນ.
-ລະດັບການສຶກສາສາມັນ: ມັດທະຍົມລະບົບບຳລຸງ,
- ລະດັບວິຊາສະເພາະ: ຊັ້ນກາງວຽກງານຈັດຕັ້ງ.
- ລະດັບທິດສະດີການເມືອງ: ຊັ້ນສູງລະບົບບຳລຸງ.
- ວັນເດືອນປີເຂົ້າການປະຕິວັດ: 18/08/1959
- ວັນເດືອນປີເຂົ້າພັກສົມບູນ 12/07/1967
- ການເຄື່ອນໄຫວໂດຍຫຍໍ້ໃນແຕ່ລະໄລຍະ:
- 1952-1958 ເປັນນັກຮຽນຢູ່ເມືອງຊ່ອນ ແລະ ຊຳເຫນືອ
- 1959-1960 ຮຽນແພດທະຫານຊັ້ນຕົ້ນ ແລະ ຮັບໃຊ້ສູ້ຮົບຢູ່ເຂດຊາຍແດນ ເມືອງຊ່ອນ ຫວຽດນາມ.
- 1960-1963 ຮຽນບຳລຸງວັດທະນະທຳ.
- 1963-1965 ເປັນຄູສອນ, ຮອງອຳນວຍການໂຮງຮຽນມັດທະຍົມຊຳເຫນືອ, ແຂວງຫົວພັນ.
- 1966-1971 ເປັນອຳນວຍການໂຮງຮຽນມັດທະຍົມຕອນຕົ້ນ ແລະ ເປັນຫົວຫນ້າຫ້ອງການສຶກສາ
ເມືອງຊຽງຄໍ້ ແຂວງຫົວພັນ.
- 1971-1976 ເປັນອຳນວຍການໂຮງຮຽນອຸດົມ ແລະ ໂຮງຮຽນສ້າງຄູຊັ້ນກາງຂອງສູນກາງຢູ່ສົບຊາຍ
ແລະ ນາຄາວ ເມືອງວຽງໄຊ.
- 1976-1979 ເປັນຮອງຫົວຫນ້າກົມຈັດຕັ້ງ, ຮອງກົມອາຊີວະ ແລະ ເປັນວ່າການຫົວຫນ້າກົມຈັດຕັ້ງ
ກະຊວງສຶກສາທິການ.
-1980-1981 ຮຽນທິດສະດີການເມືອງ ແລະ ການປົກຄອງ.
- 1982-1983 ກຳມະການສູນກາງພັກສຳຮອງ, ປະທານຄະນະກຳມະການຂ່າວສານ
ຫນັງສືພິມ ແລະ ວິທະຍຸແຫ່ງຊາດ, ຮອງຫົວຫນ້າຄະນະໂຄສະນາອົບຮົມສູນກາງ.
-1983-1988 ລັດຖະມົນຕີກະຊວງວັດທະນະທຳ.
-1989-1991 ເລຂາຄະນະພັກ, ຮອງປະທານສະພາປະຊາຊົນສູງສຸດຊຸດທີ II .
-1991-2002 ກອງປະຊຸມໃຫຍ່ຄັ້ງທີ V ຖືກເລືອກຕັ້ງເປັນກຳມະການກົມການເມືອງສູນກາງພັກ,
ຫົວຫ້ນາຄະນະຈັດຕັ້ງສູນກາງພັກ ໃນສະໄຫມກອງປະຊຸມໃຫຍ່ຄັ້ງທີ VI (ປີ 1996-2000) ຖືກເປັນ
ຜູ້ປະຈຳການກົມການເມືອງສູນກາງພັກ, ເລຂາຄະນະພັກຄະນະຄອນຫລວງ, ເຈົ້າຄອງນະຄອນຫລວງວຽງຈັນ.
- ກອງປະຊຸມຄັ້ງປະຖົມມະລຶກ ຂອງ ສະພາແຫ່ງຊາດຊຸດທີ VI ໃນວັນທີ 08 ມິຖຸນາ 2006 ໄດ້
ເລືອກຕັ້ງເອົາ ທ່ານ ທອງສິງ ທຳມະວົງ ເປັນ ປະທານສະພາແຫ່ງຊາດຄົນໃຫມ່./.
- --- - - - - - - -- - - -- -- - - -- --- - - - - -- - ປະຫວັດຫຍໍ້ ຂອງທ່ານ ບົວສອນ ບຸບຜາວັນ, ນາຍົກລັດຖະມົນຕີ ແຫ່ງ ສປປ ລາວ *(ຂປລ, 08/06/2006) ທ່ານ ບົວສອນ ບຸບຜາວັນ ເກີດ ເມື່ອວັນທີ 03 ມິຖຸນາ 1954 ທີ່ບ້ານເຕົາປູນ, ເມືອງສາລະວັນ,
 ແຂວງສາລະວັນ, ຊົນເຜົ່າລາວລຸ່ມ. ປະຈຸບັນຢູ່ບ້ານວັດນາກ,
ເມືອງສີສັດຕະນາກ, ນະຄອນຫລວງວຽງຈັນ.
- ຊັ້ນຕຳແຫນ່ງ ແລະ ຫນ້າທີ່ຮັບຜິດຊອບ:
ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ,
ຜູ້ປະຈຳການລັດຖະບານ.
- ລະດັບການສຶກສາສາມັນ: ມ 6, ລະດັບວິຊາສະເພາະ
ປະລິນຍາຕີກໍ່ສ້າງພັກ,
- ລະດັບທິດສະດີການເມືອງ: ຊັ້ນສູງ.
- ວັນເດືອນປີເຂົ້າການປະຕິວັດ: 05/03/1974
- ວັນ,ເດືອນ, ປີ ເຂົ້າພັກສົມບູນ: 09/04/1980
- ການເຄື່ອນໄຫວໂດຍຫຍໍ້ໃນແຕ່ໄລຍະ:
- 1961-1974 ຮຽນຫນັງສືປະຖົມ, ມັດທະຍົມຢູ່ແຂວງສາລະວັນ
- 1974-1975 ເຮັດວຽກເຄື່ອນໄຫວແນວຫລັງ ແລະ ຕໍ່ມາຖືກສັບຊ້ອນຢູ່ສຳນັກງານຊາວຫນຸ່ມແຂວງຈຳປາສັກ.
- 1975-1980 ເຮັດວຽກຢູ່ຫ້ອງວ່າການແຂວງຈຳປາສັກ.
- 1981-1986 ເຮັດວຽກຢູ່ຫ້ອງວ່າການສູນກາງພັກ ນະຄອນຫລວງວຽງຈັນ
- 1986-1990 ຮຽນຢູ່ໂຮງຮຽນພັກຊັ້ນສູງ ມົດສະກູ
- 1990-1994 ເຮັດວຽກຢູ່ຫ້ອງວ່າການສູນກາງພັກ
- 1994-1996 ເປັນຮອງລັດຖະມົນຕີປະຈຳສຳນັກງານນາຍົກລັດຖະມົນຕີ
- 1996-2000 ເປັນກຳມະການສູນກາງພັກ ແລະ ເປັນຫົວຫນ້າຫ້ອງວ່າການສູນກາງພັກ.
- 2001-2003 ເປັນກຳມະການກົມການເມືອງ ທັງເປັນຜູ້ປະຈຳການກົມການເມືອງ
ແລະ ຫົວຫນ້າຫ້ອງວ່າການສູນກາງພັກ.
- 2003-2006 ເປັນກຳມະການກົມການເມືອງສູນກາງພັກ, ທັງເປັນຮອງນາຍົກລັດຖະມົນຕີ,
ຜູ້ປະຈຳການລັດຖະບານ.
- ກອງປະຊຸມຄັ້ງປະຖົມມະລຶກ ຂອງ ສະພາແຫ່ງຊາດຊຸດທີ VI ໃນວັນທີ 08 ມິຖຸນາ 2006,
ໄດ້ ຮັບຮອງເອົາການສະເຫນີຂອງປະທານປະເທດ ແຫ່ງ ສປປ ລາວໃຫ້ ທ່ານ ບົວສອນ ບຸບຜາວັນ
ດຳລົງຕຳແຫນ່ງ ນາຍົກລັດຖະມົນຕີ ຄົນໃຫມ່ ແຫ່ງ ສປປ ລາວ./.
- --- - - - - - - -- - - -- -- - - -- --- - - - - -- - ໂຄງປະກອບກົງຈັກລັດຖະບານ ແລະ ລາຍຊື່ສະມາຊິກລັດຖະບານ *(ຂປລ,08/06/2006): ທ່ານ ບົວສອນ ບຸບຜາວັນ, ນາຍົກລັດຖະມົນຕີ ແຫ່ງ ສປປ ລາວ ຄົນໃຫມ່
ຊຶ່ງຫາກໍໄດ້ ຮັບຮອງ ໃນກອງະຊຸມຄັ້ງປະຖົມມະລຶກຂອງ ສະພາແຫ່ງຊາດ ຊຸດທີ VI ໃນວັນທີ 08 ມິຖຸນາ 2006,
ໄດ້ ສະເຫນີ ກ່ຽວກັບໂຄງປະກອບກົງຈັກລັດຖະບານ ແຫ່ງ ສປປ ລາວ ວ່າ :
ການກຳນົດໂຄງປະກອບກົງຈັກລັດຖະບານ ແຫ່ງ ສປປ ລາວ ແມ່ນອີງໃສ່ສະພາບຕົວຈິງ ຂອງປະເທດ
ແລະ ຄວາມຮຽກຮ້ອງຕ້ອງການ ຂອງ ວຽກງານໃນແຕ່ລະໄລຍະ, ສະນັ້ນໂຄງປະກອບກົງຈັກ ຂອງລັດຖະບານຊຸດນີ້ ຈຶ່ງໄດ້ໂຮມບາງກະຊວງເປັນຕົ້ນແມ່ນ: ກະຊວງອຸດສາຫະກຳ-ຫັດຖະກຳ ແລະກະຊວງການຄ້າ ເຂົ້າກັນເປັນອັນດຽວ.
ຊຶ່ງເອີ້ນວ່າ: ກະຊວງອຸດສາຫະກຳ ແລະການຄ້າ. ພ້ອມກັນນັ້ນ ກໍໄດ້ສ້າງຕັ້ງກະຊວງພະລັງງານ ແລະບໍ່ແຮ່ຂຶ້ນຕື່ມ.
ກົງຈັກຂອງລັດຖະບານແຫ່ງ ສປປ ລາວ ປະຈຸບັນ ແມ່ນຍັງຮັກສາ 16 ກະຊວງ ແລະອົງການທຽບເທົ່າຄືເກົ່າ(ໃນນັ້ນ
ມີ 13 ກະຊວງ ແລະມີ 3 ອົງການທຽບເທົ່າກະຊວງ) ຊຶ່ງລາຍລະອຽດມີດັ່ງນີ້:
1. ສຳນັກງານນາຍົກລັດຖະມົນຕີ
2. ກະຊວງປ້ອງກັນປະເທດ
3. ກະຊວງປ້ອງກັນຄວາມສະຫງົບ
4. ກະຊວງການຕ່າງປະເທດ
5. ກະຊວງຍຸຕິທຳ
6. ກະຊວງການເງິນ
7. ກະຊວງກະສິກຳ-ປ່າໄມ້
8. ກະຊວງອຸດສາຫະກຳ ແລະການຄ້າ(ໃຫມ່)
9. ກະຊວງພະລັງງານ ແລະບໍ່ແຮ່(ໃຫມ່)
10. ກະຊວງຄົມມະນາຄົມ, ຂົນສົ່ງ, ໄປສະນີ ແລະກໍ່ສ້າງ
11. ທະນາຄານ ແຫ່ງ ສປປ ລາວ
12. ຄະນະກຳມະການແຜນການ ແລະການລົງທຶນ
13. ກະຊວງສຶກສາທິການ
14. ກະຊວງ ສາທາລະນະສຸກ
15 . ກະຊວງຖະແຫລງຂ່າວ-ວັດທະນະທຳ
16. ກະຊວງແຮງງານ ແລະສະຫວັດດີການ-ສັງຄົມ ສຳລັບລາຍຊື່ສະມາຊິກລັດຖະບານຊຸດໃຫມ່, ທ່ານ ບົວສອນ ບຸບຜາວັນໄດ້ ສະເຫນີ ວ່າ
ອີງໃສ່ສະພາບຄວາມຮຽກຮ້ອງຕ້ອງການ ຂອງໂຄງປະກອບ ກົງຈັກລັດຖະບານ ທີ່ໄດ້ສະເຫນີມາຂ້າງເທີງ
ແລະອີງໃສ່ສະພາບການຕົວຈິງ ທາງດ້ານຄວາມຮູ້ ຄວາມສາມາດ ແລະ ປະສົບການ ຂອງຖັນແຖວພະນັກງານ
ການນຳ ທີ່ມີໃນປະຈຸບັນ, ສະມາຊິກລັດຖະບານຊຸດໃຫມ່ນີ້ ຖັດຈາກນາຍົກລັດຖະມົນຕີແລ້ວ ຍັງມີບັນດາທ່ານດັ່ງນີ້:
1. ທ່ານ ອາຊ່າງ ລາວລີ, ຮອງນາຍົກລັດຖະມົນຕີ, ປະທານອົງການກວດກາແຫ່ງລັດ.
2. ທ່ານ ທອງລຸນ ສີສຸລິດ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ.
3. ທ່ານ ພົນຕີ ດວງໃຈ ພິຈິດ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດ.
4. ທ່ານ ສົມສະຫວາດ ເລັ່ງສະຫວັດ, ຮອງນາຍົກລັດຖະມົນຕີ, ຜູ້ປະຈຳການລັດຖະບານ.
5. ທ່ານ ທອງບັນ ແສງອາພອນ, ລັດຖະມົນຕີວ່າການກະຊວງປ້ອງກັນຄວາມສະຫງົບ .
6.ທ່ານນາງອ່ອນຈັນທຳມະວົງ,ລັດຖະມົນຕີວ່າການກະຊວງແຮງງານສະຫວັດດີການ -ສັງຄົມ.
7. ທ່ານ ຈັນສີ ໂພສີຄຳ, ລັດຖະມົນຕີວ່າການກະຊວງການເງິນ.
8. ທ່ານ ໝູນແກ້ວ ອໍລະບູນ, ລັດຖະມົນຕີວ່າການກະຊວງຖະແຫລງຂ່າວ-ວັດທະນະທຳ.
9. ທ່ານ ຈະເລີນ ເຢຍປາວເຮີ, ລັດຖະມົນຕີວ່າການກະຊວງຍຸຕິທຳ.
10 ທ່ານ ສຸລິວົງ ດາລາວົງ, ປະທານຄະນະກຳມະການແຜນການ-ການລົງທຶນ.
11.ທ່ານນາງ ບຸນເພັງ ມູນໂພໄຊ, ລັດຖະມົນຕີປະຈຳ ສນຍ, ຫົວຫນ້າທະບວງການປົກຄອງ
ແລະ ຄຸ້ມຄອງລັດຖະກອນ.
12. ທ່ານ ສຸບັນ ສະຣິດທິຣາດ, ລັດຖະມົນຕີ, ຫົວຫນ້າຫ້ອງວ່າການສຳນັກງານປະທານປະເທດ.
13. ທ່ານ ດຣ. ປອນເມກ ດາລາລອຍ, ລັດຖະມົນຕີວ່າການກະຊວງສາທາລະນະສຸກ.
14. ທ່ານ ສຈ.ດຣ. ສົມກົດ ມັງຫນໍ່ເມກ,ລັດຖະມົນຕີວ່າການກະຊວງສຶກສາທິການ.
15. ທ່ານ ດຣ. ນາມ ວິຍະເກດ, ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ.
16. ທ່ານ ເຈືອງ ສົມບູນຂັນ, ລັດຖະມົນຕີປະຈຳ ສນຍ, ຫົວຫນ້າຄະນະເລຂາທິການລັດຖະບານ.
17. ທ່ານ ບໍ່ສາຍຄຳ ວົງດາລາ, ລັດຖະມົນຕີວ່າການກະຊວງພະລັງງານ ແລະ ບໍ່ແຮ່.
18. ທ່ານ ສົມມາດ ພົນເສນາ, ລັດຖະມົນຕີວ່າການກະຊວງຄົມມະນາຄົມ, ຂົນສົ່ງ, ໄປສະນີ ແລະ ກໍ່ສ້າງ.
19. ທ່ານ ອ່ອນເນື້ອ ພົມມະຈັນ, ລັດຖະມົນຕີປະຈຳ ສນຍ.
20. ທ່ານ ຄຳອ້ວນ ບຸບຜາ, ລັດຖະມົນຕີປະຈຳ ສນຍ.
21. ທ່ານ ບຸນຕຽມ ພິດສະໄຫມ, ລັດຖະມົນຕີ, ຫົວຫນ້າອົງການວິທະຍາສາດ, ເຕັກໂນໂລຊີ ແລະ ສິ່ງແວດລ້ອມ.
22. ທ່ານ ໄຊເຊັງລີ ເຕັງເບຼຍຈື, ລັດຖະມົນຕີ ປະຈຳ ສນຍ.
23. ທ່ານ ສົມພົງ ມົງຄົນວິໄລ, ລັດຖະມົນຕີ, ຫົວຫນ້າອົງການທ່ອງທ່ຽວແຫ່ງຊາດ.
24. ທ່ານ ບົວສີ ລໍວັນໄຊ, ລັດຖະມົນຕີ ປະຈຳສນຍ.
25. ທ່ານ ຄຳລວດ ສິດລາກອນ, ລັດຖະມົນຕີ, ປະທານຄະນະກຳມະການແມ່ນ້ຳຂອງແຫ່ງຊາດ.
26. ທ່ານ ສີຕາເຮັ່ງ ລາດຊະພົນ, ລັດຖະມົນຕີ ວ່າການກະຊວງກະສິກຳ - ປ່າໄມ້.
27. ທ່ານ ພູເພັດ ຄຳພູນວົງ , ຜູ້ວ່າການທະນາຄານແຫ່ງ ສປປ ລາວ./. - --- - - - - - - -- - - -- -- - - -- --- - - - - -- - ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດຊຸດທີ VI ໄຂຂຶ້ນເປັນທາງການ
- ທ່ານ ທອງສິງ ທຳມະວົງໄດ້ຮັບເລືອກຕັ້ງເປັນປະທານສະພາແຫ່ງຊາດ
- ທ່ານ ຈູມມະລີ ໄຊຍະສອນ ເປັນປະທານປະເທດ
- ທ່ານ ບົວສອນ ບຸບຜາວັນ ເປັນນາຍົກລັດຖະມົນຕີ
*(ຂປລ): ກອງປະຊຸມຄັ້ງປະຖົມມະລືກ ຂອງສະພາແຫ່ງຊາດຊຸດທີ VI ໄດ້ໄຂຂຶ້ນຢ່າງສະຫງ່າ
ຜ່າເຜີຍ  ແລະ ເປັນທາງການ ໃນຕອນເຊົ້າຂອງວັນທີ 8 ມິຖຸນາ 2006, ທີ່ຫໍສະພາແຫ່ງຊາດ
ນະຄອນຫລວງວຽງຈັນ, ໂດຍມີບັນດາສະມາຊິກ
ສະພາແຫ່ງຊາດ ທີ່ໄດ້ຮັບການເລືອກ
ຕັ້ງຈຳນວນ 115 ທ່ານເຂົ້າຮ່ວມຢ່າງພ້ອມພຽງ,
ຊຶ່ງວາລະກອງ
ປະຊຸມຄັ້ງສຳຄັນນີ້ ໄດ້ມີການ
ຮັບຮອງເອົາການເລືອກຕັ້ງ ປະທານສະພາ
ແຫ່ງຊາດຄົນໃໝ່ ໄດ້ແກ່ ທ່ານທອງສິງ ທຳມະວົງ, ເລືອກຕັ້ງປະທານປະທານປະເທດຄົນໃໝ່ ໄດ້ແກ່ ທ່ານ
ຈູມມະລີ ໄຊຍະສອນ ແລະ
ແຕ່ງຕັ້ງ ທ່ານບົວສອນ ບຸບຜາວັນ ດຳລົງຕຳແໜ່ງນາຍົກລັດຖະມົນຕີ ແຫ່ງ ສປປ ລາວຄົນໃໝ່.
ໃນວາລະການດຳເນີນກອງປະຊຸມ ຊຶ່ງພາຍໃຕ້ການເປັນປະທານ ຂອງທ່ານສະໝານ ວິຍະເກດ
ປະທານສະພາ
ແຫ່ງຊາດຊຸດທີ V ທີ່ປະຊຸມໄດ້ຕ້ອນຮັບການໃຫ້ກຽດເຂົ້າຮ່ວມ ຂອງທ່ານຄຳໄຕ ສີພັນດອນ,
ທ່ານຈູມມະລີ ໄຊຍະສອນ ພ້ອມບັນດາຜູ້ນຳຂັ້ນສູງຂອງພັກ-ລັດ. ນອກຈາກນີ້ ຍັງມີ
ບັນດານັກປະຕິວັດ ອາວຸໂສ, ຜູ້ຊົງຄຸນວຸດທິ, ບັນດາສະມາຊິກສະພາແຫ່ງຊາດຊຸດທີ V, ຕົວແທນອົງການຈັດຕັ້ງມະຫາຊົນອ້ອມຂ້າງສູນກາງ ພ້ອມບັນດາທູຕານຸທູດ,
ຜູ້ຕາງໜ້າອົງການຈັດຕັ້ງສາກົນປະຈຳລາວ ຕະຫລອດເຖິງແຂກພາຍໃນ ແລະ
ຕ່າງປະເທດ ກໍໄດ້ຮັບກຽດເຂົ້າຮ່ວມຕາມ.
ວາລະທຳອິດກອງປະຊຸມໄດ້ເລີ່ມ ຈາກການເຄົາລົບທຸງຊາດ ບັນດາຫລານນ້ອຍເຍົາ
ວະຊົນຂຶ້ນມອບຊໍ່ດອກໄມ້ໃຫ້ຄະນະປະທານ, ຈາກນັ້ນປະທານກອງປະຊຸມ
ທ່ານສະໝານ ວິຍະເກດ ໄດ້ກ່າວສູນທອນພົດໄຂກອງປະຊຸມຄັ້ງປະຖົມມະລຶກ
ຂອງສະພາແຫ່ງຊາດ ແລະ ທ່ານບຸນທອງ ຈິດມະນີ, ຮອງຫົວໜ້າກຳມະການ
ເລືອກຕັ້ງລະດັບຊາດ ລາຍງານຜົນການເລືອກຕັ້ງ ແລະ ຢັ້ງຢືນຄຸນລັກສະນະ
ຂອງສະມາຊິກສະພາແຫ່ງຊາດຊູດທີ VI.
ປະທານສະພາແຫ່ງຊາດຊຸດທີ V ໄດ້ກ່າວສະຫລຸບຫຍໍ້ການຊີ້ນຳໆພາ ຕະຫລອດອາຍຸການ
ຂອງສະພາແຫ່ງຊາດຊຸດ V ພ້ອມກ່າວອຳລາຕຳແໜ່ງປະທານສະພາແຫ່ງຊາດຊຸດດັ່ງກ່າວ.
ປະທານກອງປະຊຸມ ໄດ້ສະເໜີກ່ຽວກັບໂຄງປະກອບການຈັດຕັ້ງສະພາແຫ່ງຊາດຊຸດທີ VI,
ຄຸນລັກສະນະຂອງບຸກຄະລາກອນ ແລະ ເປົ້າໝາຍຜູ້ທີ່ຈະເລືອກຕັ້ງເປັນປະທານ, ຮອງປະທານ ແລະ ຄະນະປະຈຳສະພາແຫ່ງຊາດຊຸດທີ V ຊຶ່ງກອງປະຊຸມໄດ້ເລືອກຕັ້ງປະທານ, ຮອງປະທານ ແລະ ຄະນະປະຈຳຂອງສະພາແຫ່ງຊາດໃນຊຸດນີ້ ໂດຍ ທ່ານ ທອງສິງ ທຳມະວົງ ໄດ້ຖືກເລືອກຕັ້ງເປັນ
ປະທານສະພາແຫ່ງຊາດ, ທ່ານ ນາງປານີ ຢາທໍ່ຕູ້ ແລະ ທ່ານໄຊສົມພອນພົມວິຫານ ໄດ້ຖືກເລືອກຕັ້ງເປັນຮອງປະທານສະພາແຫ່ງຊາດ ແລະ ມີຈຳນວນ 10 ທ່ານ ໄດ້ຖືກເລືອກຕັ້ງ
ເປັນຄະນະປະຈຳສະພາແຫ່ງຊາດ ປະກອບມີ ທ່ານທອງສິງ ທຳມະວົງ, ທ່ານປານີ ຢາທໍ່ຕູ້,
ທ່ານໄຊສົມພອນ ພົມວິຫານ, ທ່ານເກຍຸນ ຍົດໄຊວິບູນ, ທ່ານຄຳສິງ ໄຊຍະກອນ, ທ່ານດວງດີ
ອຸດທະຈັກ, ທ່ານ ດຣ ທອງພັນ ຈັນທະລານົນ, ທ່ານ ພົນຈັດຕະວາ ຄຳແວວ ສີໂຄດຈຸນລະມະນີ
ແລະ ທ່ານທອງເຕີນ ໄຊຍະເສນ.
ທີ່ປະຊຸມໃນພາກທຳອິດ ໄດ້ສືບຕໍ່ດຳເນີນ ໂດຍທ່ານທອງສິງ ທຳມະວົງ ປະທານຄະນະປະຈຳ
ສະພາ
ແຫ່ງຊາດຄົນໃໝ່ ໄດ້ຂຶ້ນກ່າວຮັບຕຳແໜ່ງປະທານສະພາແຫ່ງຊາດ ສືບຕໍ່ຈາກ
ທ່ານສະໝານ ວິຍະເກດ
ພ້ອມທັງ ໄດ້ສະເໜີກົງຈັກຊ່ວຍວຽກຂອງສະພາແຫ່ງຊາດ
ຊຸດທີ VI ຄື: ສືບຕໍ່ຮັກສາ 6 ຄະນະກຳມາທິການ ແລະ
ຫ້ອງວ່າການປະກອບມີ ຄະນະກຳ
ມາທິການກົດໝາຍໂດຍແມ່ນ ທ່ານ ເກຍຸນ ຍົດໄຊວິບູນ ເປັນຫົວໜ້າ; ທ່ານຄຳສິງ ໄຊຍະກອນ
ເປັນຫົວໜ້າເສດຖະກິດແຜນການ ແລະການເງິນ; ທ່ານ ດວງດີ ອຸດທະຈັກ ເປັນຫົວໜ້າຄະນະກຳ
ມະການສັງຄົມ; ທ່ານ ດຣ. ນາງ ທອງພັນ ຈັນທະລານົນ ເປັນຫົວໜ້າກຳມາທິການບັນດາເຜົ່າ;
ທ່ານ ພົນຈັດຕະວາ ຄຳແວວ ສີໂຄດຈຸນລະມະນີ ເປັນຫົວໜ້າກຳມາທິການ
ປ້ອງກັນຊາດ -ປ້ອງກັນຄວາມສະຫງົບ; ທ່ານ ດຣ ໄຊສົມພອນ ພົມວິຫານ
ເປັນຫົວໜ້າກຳມາທິການຕ່າງປະເທດ ແລະ ທ່ານ ທອງເຕີນ ໄຊຍະເສນ
ເປັນຫົວໜ້າຫ້ອງວ່າການສະພາແຫ່ງຊາດ.
ກອງປະຊຸມຍັງໄດ້ສະເໜີການແຕ່ງຕັ້ງຄະນະລັດຖະສະພາສາກົນແຫ່ງສ ປປ ລາວ
ໂດຍແມ່ນ ທ່ານ ທອງສິງ ທຳມະວົງ ເປັນປະທານ, ທ່ານ ໄຊສົມພອນ ພົມວິຫານ
ເປັນຮອງປະທານ ແລະ ທ່ານ ດຣ ກຸແກ້ວ ອັກຄະມຸນຕີ ເປັນເລຂາທິການໃຫ່ຍ.
ໃນກອງປະຊຸມ ຍັງໄດ້ດຳເນີນການເລືອກຕັ້ງ ປະທານ ປະເທດຄົນໃຫມ່ ພາຍຫັລງທ່ານ
ຄຳໄຕ ສີພັນດອນ ປະທານປະເທດຜູ້ເກົ່າ ຂື້ນກ່າວລາຕຳແໜ່ງ, ທ່ານ ຄຳມີ ໄຊຍະວົງ
ປະທານສານປະຊາຊົນສູງສຸດ ແລະທ່ານ ບຸນປອນ ສັງສົມສັກ ໄດ້ຂື້ນກ່າວລາຕຳແໜ່ງແລ້ວ,
ປະທານກອງປະຊຸມໄດ້ສະເໜີ ມາດຖານ ແລະ ເປົ້າໝາຍຜູ້ທີ່ຈະເປັນປະທານປະເທດ ແລະ
ຮອງປະທານປະເທດ. ປະທານກອງປະຊຸມໄດ້ນຳພາສະມາຊິກສະພາ ພິຈາລະນາ ແລະ
ຮັບຮອງເອົາການເລືອກຕັ້ງ ທ່ານຈູມມະລີ ໄຊຍະສອນ ເປັນປະທານປະເທດ ແລະ ທ່ານບຸນຍັງ ວໍລະຈິດ ເປັນຮອງປະທານປະເທດ ຄົນໃໝ່ຕາມລຳດັບ; ເລືອກຕັ້ງ ທ່ານຄຳມີ ໄຊຍະວົງ ສືບຕ
ໍ່ດຳລົງຕຳແໜ່ງ ປະທານສານປະຊາຊົນສູງສຸດ ແລະ ເລືອກຕັ້ງ ທ່ານສົມພັນ ແພງຄຳມ
ີ ເປັນໄອຍະການປະຊາຊົນສູງສຸດຄົນໃໝ່. ປະທານກອງປະຊຸມ ໄດ້ນຳພາຄະນະສະມາ
ຊິກສະພາແຫ່ງຊາດ ພິຈາລະນາຮັບຮອງເອົາການແຕ່ງຕັ້ງ ທ່ານບົວສອນ ບຸບຜາວັນ
ເປັນນາຍົກລັດຖະມົນຕີຄົນໃໝ່ຄົນໃໝ່ ແຫ່ງ ສປປ ລາວ ແລະ ໃນເວລາຕໍ່ມາ
ທ່ານນາຍົກລັດຖະມົນຕີຄົນໃໝ່ ໄດ້ຂຶ້ນກ່າວຮັບຕຳແໜ່ງ ພ້ອມທັງສະເໜີ
ຈຸດໝາຍສູ້ຊົນ ໃນການສືບຕໍ່ຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ
ແລະ ງົບປະມານ ປະຈຳສົກປີ 2005-2006 ແລະ ທິດທາງແຜນການ
ພັດທະນາເສດຖະກິດ-ສັງຄົມ 2006-2010. ພ້ອມນີ້ ທ່ານນາຍົກ
ລັດຖະມົນຕີຄົນໃໝ່ ຍັງໄດ້ສະເໜີ ໂຄງປະກອບກົງຈັກລັດຖະບານລວມມີ
13 ກະຊວງ ແລະ 3 ອົງການທຽບເທົ່າ ພ້ອມທັງຄະນະລັດຖະບານປະກອບມີ
ຮອງນາຍົກລັດຖະມົນຕີ 4 ທ່ານ, ລັດຖະມົນຕີວ່າການ
ແລະ ຫົວໜ້າອົງການທຽບເທົ່າ 23 ທ່ານ.
ສຳລັບໃນພາກບ່າຍ ປະທານ ກອງປະຊຸມໄດ້ສະເໜີໃຫ້ຄະນະປະ
ຈຳສະພາແຫ່ງຊາດ ຊີ້ແຈງທັດສະນະ ແລະ ຈຸດປະສົງ ໃນການປັບ
ປຸງບາງມາດຕາ ຂອງກົດໝາຍວ່າດ້ວຍສະພາແຫ່ງຊາດ
ເພື່ອໃຫ້ບັນດາສະມາຊິກສະພາແຫ່ງຊາດຊຸດທີ VI ໄດ້ຄົ້ນຄວ້າປະ
ກອບຄຳຄິດຄຳເຫັນ ແນໃສ່ເຮັດໃຫ້ກົດໝາຍສະບັບນີ້ສົມບູນ ແລະ
ຮັດກຸມກວ່າເກົ່າ./.
ກັບສາລະບານ
|
