ຮັັ່ງມີຈາກການຫັນປ່ຽນແບບແຜນການຜະລິດ
* ບໍ່ວ່າຈະເປັນວຽກໃຫຍ່, ວຽກນ້ອຍຢູ່ຕາມທົ່ງໄຮ່ທົ່ງນາ ຫຼື ຕາມໂຮງຈັກໂຮງງານ ແລະ ຕາມສຳນັກ ງານອົງການພັກ-ລັດ ກໍຄືຫົວໜ່ວຍທຸລະກິດ ເມື່ອໃດ ຫາກ ດຸໝັ່ນ ຂະຫຍັນພຽນ, ອົດທົນ ແລະ ພະຍາຍາມແລ້ວ ຕ້ອງສຳເລັດຕາມເປົ້າໝາຍຢ່າງແນ່ນອນ ນີ້ແຫຼະເພິ່ນວ່າ ຄວາມພະຍາຍາມ ຢູ່ໃສຄວາມສຳເລັດກໍບັງເກີດ ຜົນ, ທີ່ສຳຄັນຕ້ອງແມ່ວຽກທີ່ບໍ່ຂັດກັບລະ ບຽບ ກົດໝາຍ. ສຳລັບຊາວ ໄຮ່ຊາວນາ ຫຼື ຊາວສວນແລ້ວ ສິ່ງທີ່ທຸກ ຄົນມີກໍຄືຄວາມອົດທົນພະຍາຍາມ ດັ່ງດຽວກັບ ຄອບຄົວຂອງລຸງ ບົວຈູ ຢູ່ເມືອງວຽງໄຊ ແຂວງຫົວ ພັນ ທີ່ປະສົບ ຜົນສຳເລັດຈາກຄວາມ ທຸກຍາກ ກາຍມາເປັນຄອບຄົວຮັ່ງມີ. ເມື່ອກາງເດືອນມີນາ, ຜູ້ຂຽນໄດ້ເຄື່ອນໄຫວເກັບກຳຂ່າວຄາວນຳທີມ ງານນັກຂ່າວ ວິທະຍຸກະ ຈຽງສຽງ ແລະ ໂທລະພາບແຫ່ງຊາດລາວ ຢູ່ບ້ານ ພູໄຊ ກຸ່ມບ້ານ ນາ ໄກ່ ເມືອງ ວຽງໄຊ ແຂວງ ຫົວພັນ ເຊິ່ງຢູ່ບ້ານນີ້ມີຫຼາຍຂະບວນການສ້າງສາພັດທະນາທີ່ພົ້ນເດັ່ນ ໂດຍສະເພາະ ການສ້າງເສດຖະກິດຄອບຄົວ ແລະ ໜຶ່ງໃນ ຫຼາຍໆ ຄອບຄົວຂອງບ້ານນີ້ ກໍມີຄອບຄົວລຸງ ບົວຈູ ທີ່ໄດ້ກາຍເປັນຄອບຄົວ ຕົວແບບໃນການຜະລິດເປັນສິນ ຄ້າຈົນຫຼຸດພົ້ນອອກຈາກຄວາມທຸກຍາກ. ບໍ່ເຊື່ອ ສາຍຕາຂອງຕົນເອງເລີຍເມື່ອເຫັນຊາຍຜູ້ໜຶ່ງທີ່ເນື້ອໜັງ ວັງຊາ ກໍຫ່ຽວຍານຫຼາຍແລ້ວ ຈະສາມາດດຶງເອົາຊີວິດຂອງຕົນ ແລະ ຄອບຄົວ ທັງ 9 ຊີວິດອອກ ຈາກ ຄວາມ ທຸກ ຍາກຂາດເຂີນໄດ້ເຖິງປານ ນີ້ ໂດຍພໍ່ລຸງຜູ້ນີ້ ກໍມີອາຍຸເຖິງ 65 ປີແລ້ວ“ ລຸງເປັນເຜົ່າມົ້ງລາຍ ແລະ ໄດ້ຍຶດອາ ຊີບການເຮັດນາປູກເຂົ້າ, ລ້ຽງ ປາ, ປູກ ພືດເປັນສິນຄ້າ ແລະ ປູກຕົ້ນໄມ້ໃຫ້ໝາກ ເຊິ່ງກ່ອນໜ້ານີ້10 ກວ່າປີ, ໄດ້ພາຄອບຄົວ ຍົກຍ້າຍຈາກເຂດພູສູງ ລົງມາຕັ້ງຖິ່ນຖານ ຢູ່ບ້ານພູໄຊນີ້ ໂດຍໃນ ເບື້ອງ ຕົ້ນ, ກໍຫຍຸ້ງຍາກຫຼາຍຕໍ່ຫຼາຍບັນຫາແຕ່ກໍບໍ່ເຄີຍທໍ້ຖອຍ ເພາະມີທຶນທີ່ລ້ຳຄ່າຂອງຊີວິດກໍຄືຄວາມອົດທົນ,ດຸໝັ່ນຫ້າວຫັນ, ຄວາມສາ ມາດ ຕົວ ຈິງຂອງຄອບຄົວ. ເມື່ອ ໄດ້ມີດິນແລ້ວກໍບຸກເບີກເປັນນາ 1 ເຮັກຕາແຕ່ລະປີສາມາດຜະລິດເຂົ້າໄດ້ 4-4,5 ໂຕນ ແລະ ຖ້າສະເລ່ຍໃສ່ຄົນໃນຄອບຄົວແລ້ວ ຖືວ່າໄດ້ຮັບ ເຂົ້າເປືອກ 400 ກິໂລ ຕໍ່ຄົນ ຕໍ່ປີ ຊຶ່ງກໍໝາຍຄວາມວ່າຄອບຄົວຂ້ອຍມີ ເຂົ້າກຸ້ມກິນ ຕະຫລອດປີ ແລະ ມີສ່ວນ ແຮໄວ້. ບໍ່ພຽງເທົ່ານັ້ນ, ຂ້ອຍຍັງໄດ້ນຳໃຊ້ ເນື້ອທີ່ດິນສ່ວນໜຶ່ງ ຂຸດກົ່ນຄົ້ນປ່ຽນເປັນໜອງລ້ຽງປາ 4 ໜອງ ແລະ ໄດ້ນຳເອົາແນວປາພື້ນເມືອງ ແດ່, ປາ ກິນຫຍ້ານຳມາລ້ຽງ ແລະ ຢູ່ບໍລິເວນໜອງປາ, ຂ້ອຍກໍໄດ້ເຮັດ ສວນ ປູກຜັກກາດ ແລະ ພືດຕະກຸນຖົ່ວເພື່ອແກ້ ໄຂຊີວິດປະຈຳວັນຊື່ໆ ແຕ່ພັດໄດ້ຜົນຫຼາຍກໍເລີຍເອົາໄປຂາຍ. ຄວາມພະຍາຍາມຂອງຂ້ອຍບໍ່ໝົດພຽງເທົ່ານີ້ ໂດຍ ໄດ້ປູກສາລີ ແລະ ໝາກໝັ້ນຫວານຂາຍຕື່ມອີກ.ຈາກນີ້ແຫຼະ, ຈຶ່ງເຮັດໃຫ້ ຄອບຄົວຂ້ອຍມີລາຍຮັບເກືອບ 50 ລ້ານກີບໃນປີໜຶ່ງໆເຊິ່ງກໍໄດ້ ຈາກການຂາຍປາ 10 ລ້ານ ກວ່າກີບ, ພືດຜັກຕ່າງໆ 3 ລ້ານກວ່າກີບ, ສາ ລີ 11 ລ້ານກວ່າກີບ ແລະ ໝາກໝັ້ນ ຫວານເກືອບ 5 ລ້ານກີບ. ລາຍຮັບຈຳນ ວນນີ້, ເມື່ອສະເລ່ຍໃສ່ສະມາຊິກ ໃນຄອບຄົວແລ້ວ ຖືວ່າຜູ້ໜຶ່ງໄດ້ກວ່າ 4 ລ້ານກີບໃນແຕ່ລະປີ, ຂະນະດຽວກັນກໍມີເງິນມີຄຳແຮ ໄວ້ຈຳ ນວນ ໜຶ່ງໂດຍນຳໃຊ້ເຂົ້າໃນກາ ນຊື້ເຄື່ອງໃຊ້ຂອງສອຍທີ່ຈຳ ເປັນທັງໄດ້ຊື້ເຄື່ອງນຸ່ງຂອງຖືອຸປະກອນການຮ່ຳ ຮຽນເພື່ອສົ່ງເສີມລູກໆເຂົ້າໂຮງ ຮຽນທັງໃຊ້ ຈ່າຍ ເຂົົ້າໃນການ ປິ່ນປົວສຸຂະ ພາບໃນເວລາເຈັບເປັນເອັນອຸ່ນ. ທ່ານ ຈົງເນັງເຮີ ຮອງເລຂາໜ່ວຍ ພັກ, ຮອງນາຍບ້ານໆພູໄຊ ກ່າວວ່າ: ຄອບຄົວ ລຸງບົວຈູ ແມ່ນຄອບຄົວ ທີ່ດຸໝັ່ນຂະຫຍັນພຽນຫ້າວຫັນ ໃນການ ພັດທະນາ ເສດຖະກິດແກ້ ໄຂຊີວິດ ການເປັນຢູ່ຂອງຄອບຄົວຈົນຫລຸດ ພົ້ນອອກຈາກຄວາມທຸກຍາກ ແລະ ກ້າວໄປສູ່ຄວາມອຸດົມ ສົມບູນຮັ່ງມີ ເຂັ້ມແຂງ. ທີ່ສຳຄັນ, ໄດ້ ກາຍ ເປັນ ຄອບຄົວແບບຢ່າງລ້ຽງປາ ສ້າງ ລາຍຮັບໃຫ້ແກ່ຄອບຄົວ. ກ່ອນຈາກກັນໃນມື້ນັ້ນ, ລຸງ ບົວຈູ ຍິ້ມຢ່າງພູມໃຈ ແລະ ເວົ້າວ່າ: ໃນ ຕໍ່ໜ້າ, ຈະສືບຕໍ່ນຳພາຄອບຄົວ ດຳ ເນີນ ການຜະລິດ ໂດຍສະເພາະ ການລ້ຽງປາ ໃຫ້ຫລາຍ ກວ່າ ເກົ່າທັງຂະຫຍາຍ ເນື້ອທີ່ປູກສາລີ ແລະ ພືດຜັກ ຕ່າງໆ, ເອົາໃຈໃສ່ບົວລະບັດຮັກສາສວນ ໝາກ ໝັ້ນຫວານ ໃຫ້ດີກວ່າເກົ່າ ເພື່ອເຮັດໃຫ້ຄອບ ຄົວຂ້ອຍ ສາມາດ ສ້າງ ລາຍຮັບໄດ້ແຕ່ 90-100 ລ້ານກີບ ຂຶ້ນໄປ./.
ກັບສາລະບານ
