ປະຊາຊົນບ້ານນາຂ້ອຍສາວ ຫລຸດພົ້ນອອກຈາກ ຄວາມທຸກຍາກໄດ້ເກືອບ 100%
*ໂດຍຜັນຂະຫຍາຍມະຕິ 9 (ສະໄຫມທີ 5) ຂອງສູນກາງພັກກ່ຽວກັບການກໍ່ ສ້າງຄອບຄົວ ແລະບ້ານ ວັດ ທະນະ ທຳ ປະຕິບັດຕາມມະຕິ 7 ຂອງສູນກາງພັກ ແລະ ມະຕິ 6 ຂອງແຂວງ ຂອງເມືອງ ອີງຕາມ ຄຳ ສັ່ງແນະນຳ ເລກທີ 129/ຖວ, ລົງວັນທີ 14/02/09 ຂອງກະຊວງຖະແຫລງຂ່າວ ວັດທະນະທຳ ວ່າດ້ວຍ ການ ຮີບຮ້ອນການປັບປຸງ ແລະກໍ່ ສ້າງຄອບຄົວ ແລະ ບ້ານວັດທະນະທຳຢູ່ແຕ່ ລະແຂວງໃນ ທົ່ວປະເທດ ໃຫ້ບັນລຸຄາດຫມາຍວາງອອກ. ອີງຕາມຄຳ ສັ່ງ ແນະ ນຳ ເລກທີ 09/ ກມສພ ລົງວັນທີ 08/06/04 ວ່າດ້ວຍ ການສ້າງບ້ານ ແລະ ກຸ່ມບ້ານພັດທະນາ ແລະຜ່ານຈາກ ການຮັບຮອງເອົາແຜນການສ້າງ ບ້ານວັດທະນະທຳໃນປີ 2005, ໃນທີ່ສຸດບ້ານນາ ຂ້ອຍ ສາວຈຶ່ງໄດ້ຮັບຮອງ ແລະ ປະກາດເປັນບ້ານວັດທະນະທຳໃນ ທ້າຍເດືອນ ມິຖຸນາ 2009. ທ່ານ ທອງພັນ ນາຍບ້ານໆນາ ຂ້ອຍສາວ ໄດ້ກ່າວວ່າ: ນາຂ້ອຍສາວ ເປັນ ບ້ານຫນຶ່ງທີ່ຕັ້ງ ຕາມສາຍທາງ ເລກທີ 20 ຫ່າງຈາກຕົວເມືອງ 8 ກິໂລແມັດ, ມີເນື້ອ ທີ່ທັງຫມົດ 734,4 ເຮັກຕາ, ປະກອບມີ 3 ຄູຸ້ມຄື: ຄຸ້ມນາຂ້ອຍສາວ, ຄຸ້ມຫມາກນາວ ນອກ ແລະ ຄຸ້ມຫມາກ ນາວໃນ ມີ 253 ຫລັງຄາເຮືອນ 298 ຄອບຄົວ, ມີພົນ ລະເມືອງທັງຫມົດ 1.658 ຄົນ. ຍິງ 843 ຄົນ. ອາຊີບຕົ້ນຕໍແມ່ນເຮັດນາ ອາຊີບສຳຮອງ ແມ່ນລ້ຽງສັດ ແລະ ປູກຫມາກໂມ ຂາຍຈົນໄດ້ຂຶ້ນຊື່ວ່າ (ຫມາກ ໂມນາ ຂ້ອຍສາວ ເຫລົ້າຂາວເມືອງຄົງ ປີ້ງໄກ່ນາປົ່ງ ລຳວົງ ສາລະວັນ ຫມາກພ້າວຫວານາໄຊ ດ້ວຍຄວາມຂະຫຍັນ ຫ້າວຫັນ ຈຶ່ງ ເກີດມີຄອບຄົວຮັ່ງມີ 47 ຄອບຄົວ, ຄອບ ຄົວ ປານກາງ 243 ຄອບຄົວ. ທັງນີ້ ບ້ານນາຂ້ອຍສາວເປັນບ້ານທີ່ມີຊົນລະປະທານ ໄຫລຜ່ານສ່ວນຫນຶ່ງ ເຫມາະສົມ ກັບການປູກຝັງ ເປັນຕົ້ນເນື້ອທີ່ນາ 474,620 ເຮັກຕາ ບັນລຸ ສະມັດຕະພາບການຜະລິດ 3 ໂຕນ/ເຮັກຕາ, ຜົນຜະລິດໄດ້ທັງຫມົດ 1.424 ໂຕນ. ເນື້ອທີ່ນາແຊງ 900 ເຮັກຕາ ບັນລຸສະມັດຕະ ພາບ ການ ຜະລິດ 3,5 ໂຕນ/ ເຮັກຕາ. ຈາກນີ້, ຈຶ່ງເຮັດໃຫ້ປະຊາຊົນພາຍໃນບ້ານ ໂດຍສະເລ່ຍຄົນຫນຶ່ງໄດ້ ຮັບເຂົ້າ ເປືອກປະ ມານ 878 ກິໂລກຼາມ/ ຄົນ/ ປີ, ມີ ເຂົ້າກິນເຫລືອຂາຍເປັນສິນຄ້າ 875 ໂຕນ/ປີ. ນອກຈາກນີ້, ຍັງມີເນື້ອທີ່ປູກຫມາກໂມ 40 ເຮັກຕາ, ຜົນຜະລິດ 200 ໂຕນ. ຂາຍເປັນເງິນສົດໄດ້ 400 ລ້ານກີບ, ເນື້ອ ທີ່ ປູກຫມາກແຕງ, ຖົ່ວ ແລະ ຜັກຊະນິດຕ່າງໆ 5 ເຮັກຕາ. ຜົນຜະລິດ 10 ໂຕນ, ຂາຍເປັນເງິນໄດ້ 40 ລ້ານ ກີບ/ ປີ, ມີເນື້ອທີ່ປູກໄມ້ອຸດສາຫະກຳ 31.500 ເຮັກຕາ, ມີຕົ້ນໄມ້ 15.275 ຕົ້ນ, ໃນນັ້ນເດັ່ນກວ່າ ຫມູ່ແມ່ນ ຄອບຄົວ ນາງ ເພດ ປູກໄມ້ວິກ ມີເນື້ອທີ່ປູກ 4 ເຮັກຕາ, ປູກໄມ້ຈຳນວນ 4.800 ຕົ້ນ, ສຳລັບ ການ ຜະລິດ ປູກ ເຂົ້ານາປີເດັ່ນກວ່າຫມູ່ແມ່ນຄອບຄົວ ທ້າວ ຄຳໃສ ມີເນື້ອທີ່ 1,8 ເຮັກຕາ, ຜົນຜະລິດໄດ້ 8,5 ໂຕນ. ສະ ເລ່ຍ ສະມັດຕະພາບການຜະລິດ 4,7 ໂຕນ/ເຮັກຕາ, ແລະ ຂາຍຜົນຜະລິດອື່ນໆ ມີລາຍໄດ້ທັງຫມົດ 47 ລ້ານ ກີບ/ປີ, ສະເລ່ຍຄົນໃນຄອບຄົວໄດ້ຮັບ 6,7 ລ້ານ ກີບ/ ຄົນ/ ປີ, ຄອບຄົວ ທ້າວ ສົມໃຈ ມີ ເນື້ອທີ່ 1,5 ເຮັກຕາ, ຜົນຜະລິດ 8 ໂຕນ. ສະເລ່ຍສະມັດຕະພາບ ການຜະລິດ 5,3 ໂຕນ/ເຮັກຕາ, ແລະ ຂາຍຜົນ ຜະ ລິດ ອື່ນໆ ມີ ລາຍ ໄດ້ 40 ລ້ານກີບ/ທປີ, ສຳ ລັບການປູກຫມາກໂມຂາຍເປັນສິນຄ້າເດັ່ນກວ່າຫມູ່ແມ່ນຄອບຄົວ ທ້າວ ພົງ ສະຫວັນ ມີເນື້ອທີ່ 1 ເຮັກຕາ, ຜົນຜະລິດ 4 ໂຕນ / ເຮັກຕາ, ມີລາຍຮັບຈາກ ການ ຂາຍ ຫມາກໂມ 10 ລ້ານ ກີບ, ຄອບຄົວ ທ້າວ ບຸນຈັນ ມີເນື້ອທີ່ 1,5 ເຮັກຕາ. ຜົນຜະລິດໄດ້ 8 ໂຕນ, ມີລາຍຮັບ ຈາກການຂາຍ ຫມາກ ໂມ 20 ລ້ານກີບ, ການ ເຮັດນາແຊງເດັ່ນກວ່າຫມູ່ແມ່ນຄອບຄົວນາງ ອ້ອຍ ຜະລິດເຂົ້າໄດ້ 4 ໂຕນ/ເຮັກຕາ, ແລະ ລ້ຽງປາ ຜົນຜະລິດໄດ້ 3 ໂຕນ, ເຊິ່ງມີປີນີ້ຄອບຄົວດັ່ງກ່າວ ໄດ້ຈາກ ການຂາຍຜົນຜະ ລິດເປັນກຳໄລ ຫລາຍກວ່າ 60 ລ້ານກີບ, ພາຍໃນບ້ານມີສັດປະເພດ ຄວາຍ 205 ໂຕ, ງົວ 190 ໂຕ, ຫມູ 215 ໂຕ, ແບ້ 46 ໂຕ, ສັດປີກ 4.033 ໃນດ້ານອຸດສາຫະກຳ-ການຄ້າ ແລະ ບໍລິການພາຍໃນບ້ານມີຂາຍເຄື່ອງຍ່ອຍ 14 ຮ້ານ, ຮ້ານກິນດື່ມ 2 ຮ້ານ, ຮ້ານສ້ອມແປງ 1 ຮ້ານ. ຮ້ານຂາຍ ຫມາກໂມ-ຫມາກແຕງ 30 ຮ້ານ. (ຂາຍ ສະເພາະລະດູແລ້ງ) ປະຈຸບັນມີໄຟຟ້າໃຊ້ແລ້ວ 2 ຄຸ້ມ, ຍັງ 1 ຄຸ້ມ, ມີໂຮງສີເຂົ້າ 1 ແຫ່ງ. ຈັກຟາດເຂົ້າ 6 ເຄື່ອງ, ມີລະບົບ ນ້ຳບາດານອ່າງສູງ 1 ແຫ່ງ,ຄະນະທີ່ວຽກງານຄົມມະນາຄົມ, ກໍ່ສ້າງພື້ນຖານໂຄ່ງລ່າງ ຜ່ານມາອຳນາດ ການປົກຄອງບ້ານ ໄດ້ເອົາໃຈ ໃສ່ສ້ອມແປງທໍ່ລອດ ທາງ ເຂົ້າບ້ານ ຈຳນວນ 5 ແຫ່ງ. ຄິດເປັນມູນຄ່າ 60 ລ້ານກວ່າກີບ. ອັນພົ້ນເດັ່ນແມ່ນສຳເລັດການກໍ່ສ້າງ ລະບົບນ້ຳປະປາ ຊົນນະບົດ ມູນຄ່າ 100 ລ້ານກວ່າກີບ, ດ້ວຍທຶນຂອງປະຊາຊົນເອງ 100%, ບ້ານນາຂ້ອຍສາວມີລົດຮຸນໄດ 8 ຄັນ. ລົດໄຟນາ 65 ຄັນ. ລົດຈັກ 161 ຄັນ. ສຳ ເລັດ ການກໍ່ສ້າງໂຮງຮຽນມັດທະຍົມ 1 ຫລັງ, ມູນຄ່າ 350 ລ້ານກີບ. ໃນ ນັ້ນທຶນຊ່ວຍລ້າຈາກສາກົນ 320 ລ້ານກີບ, ວຽກຖະແຫລງຂ່າວ-ວັດທະນະທຳ ໄດ້ຕິດ ຕັ້ງໂທລະໂຄ່ງ 1 ຊຸດ, ມີ 3 ປາກ ເພື່ອ ແຈ້ງຂ່າວຖ່າຍທອດຂ່າວປະຈຳວັນ ແລະ ການປະຊາສຳພັນຕ່າງໆ ພາຍໃນບ້ານມາ ຮອດປະຈຸບັນໄດ້ສຳເລັດການ ມອບ ໃບຢັ້ງຢືນຄອບຄົວວັດທະນະທຳ ໄປ ແລ້ວ 2 ຄັ້ງ, ລວມທັງຫມົດ 259 ຄອບຄົວ, ເທົ່າກັບ 86,91% ຂອງຈຳນວນຄອບຄົວທັງຫມົດ. ວຽກງານສາທາ. ທົ່ວບ້ານ ມີນບາດານ 24 ບໍ່, ໃນນັ້ນ ຂອງ ບຸກ ຄົນ 17 ບໍ່, ນ້ຳປະປາຊົນນະບົດ 1 ແຫ່ງ, ວິດຖ່າຍ 109 ຫນ່ວຍ, ເທົ່າກັບ 43% ການສັກ ຢາ ແລະ ຢອດຢາກັນພະຍາດ ເດັກອາຍຸລຸ່ມ 1 ປີ ສຳເລັດ 100% ພົ້ນ ເດັ່ນສ້າງຄອບຄົວ 3 ສະອາດໄດ້ 261 ຄອບຄົວ, ເທົ່າກັບ 87,5% ວຽກງານການສຶກສາ. ເດັກໃນເກນອາຍຸ ໄດ້ເຂົ້າ ໂຮງ ຮຽນ 100% ສາມາດລົບ ລ້າງການກືກ ຫນັງ ສືໄດ້ 100%. ບ້ານດັ່ງກ່າວ ນອກຈາກຈະໄດ້ຮັບນາມມະຍົດເປັນບ້ານທີ່ໄດ້ກ່າວມາຂ້າງນີ້ແລ້ວ ຍັງໄດ້ຮັບນາມມະຍົດເປັນ ບ້ານ ຫນ່ວຍພັກແຂວງ ຮູ້ນຳພາຮອບດ້ານ. ບ້ານ ປອດ ຄະດີ ແລະ ເປັນບ້ານລົບລ້າງຄວາມບໍ່ຮູ້ຫນັງສື./.
ກັບສາລະບານ
