ສປ. ຈີນ ຊ່ວຍເຫລືອແຂວງຜົ້ງສາລີ ພັດທະນາເສດຖະກິດ-ສັງຄົມ *(ຂປລ): ທ່ານບົວສອນ ບຸບຜາວັນ, ນາຍົກລັດຖະມົນຕີແຫ່ງ ສປປລາວໄດ້ໃຫ້ກຽດຕ້ອນຮັບ ທ່ານ ຈີນາ,ຫົວໜ້າພະ ແນກການ ຄ້າ ນະ ຄອນພູເອີ ແຂວງຢຸນນານ ສາທາລະນະລັດ ປະຊາຊົນຈີນ ພ້ອມຄະນະ ຢູ່ທີ່ ນະຄອນຫລວງວຽງຈັນໃນຕອນແລງຂອງວັນທີ 18 ພະຈິກ 2008, ໃນໂອກາດມາຢ້ຽມຢາມ ແລະ ເຮັດ ວຽກຢູ່ລາວເປັນເວລາສາມວັນ. ໃນໂອກາດດຽວກັນ ທ່ານ ຈີລຽງ,ປະທານກຸ່ມບໍລິສັດການຄ້າເຈີລຽງແຂວງຢຸນນານ ກໍໄດ້ມອບ ເງິນ ຊ່ວຍເຫລືອຈຳນວນ 200.000 ໂດລາ ສະຫະລັດ ໃຫ້ກແ່ທ່ານຄຳສານ ສຸວົງ, ເຈົ້າແຂວງຜົ້ງສາລີ ເພື່ອນຳໃຊ້ເຂົ້າໃນການພັດທະນາເສດຖະກິດ-ສັງຄົມແຂວງ ຜົ້ງ ສາລີ ໃຫ້ມີການ ຂະຕົວຢ່າງຕໍ່ເນື່ອງ. ທ່ານບົວສອນ ບຸບຜາວັນ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການ ຢ້ຽມຢາມລາວ ຂອງຄະນະຜູ້ ແທນແຂວງຢຸນນານ ໃນຄັ້ງ ນີ້ໂດຍສະເພາະແມ່ນການສະໜັບສະໜູນຊ່ວຍເຫລືອແຂວງຜົ້ງສາລີກໍຄືປະຊາຊົນລາວທຸກຖ້ວນ ໜ້າໃນການຍົກລະດັບ ຊີ ວິດ ການເປັນ ຢູ່ໃຫ້ດີຂຶ້ນ. ພ້ອມນັ້ນກໍເປັນຢັ້ງຢືນໃຫ້ເຫັນ ເຖິງການ ປະກອບສ່ວນຮັດແໜ້ນການພົວພັນຮ່ວມມື ຮອບດ້ານ ຂອງ ສອງ ປະເທດລາວ-ຈີນ ໃຫ້ນັບມ ື້ກ້າວ ຂຶ້ນຢ່າງບໍ່ຢຸດຢັ້ງ. ເຊັ່ນດຽວກັບທ່ານ ຈີນາ ກໍໄດ້ສະແດງຄວາມຂອບໃຈຕໍ່ທ່ານ ທ່ານບົວສອນ ບຸບ ຜາວັນ ທີ່ໃຫ້ການ ຕ້ອນຮັບອັນອົບອຸ່ນ ທັງຢືນ ຢັນວ່າສອງ ປະເທດຈີນ-ລາວ ຈະຕ້ອງສືບຕໍ່ຊ່ວຍເຫລືອຊຶ່ງ ກັນແລະກັນຕະຫລອດ ໄປ ເຮັດໃຫ້ການຮ່ວມມືໃນທຸກລະດັບ ມີຄວາມ ແໜ້ນ ແຟ້ນ ຍິ່ງໆ ຂຶ້ນ./.
ກັບສາລະບານ
