ສ້າງແຜນແມ່ບົດພັດທະນາເສດຖະກິດ ອຸດສາຫະກຳ ພາກເໜືອຂອງລາວ
*(ຂປລ): ບັນດາລັດຖະມົນຕີຊ່ວຍວ່າການ ຈາກກະຊວງຂະແໜງການ, ບັນດາຮອງເຈົ້າ ແຂວງ ຈາກ 9 ແຂວງພາກເໜືອ ຂອງ ລາວຄື: ແຂວງຜົ້ງສາລີ, ຫລວງນ້ຳທາ, ບໍ່ແກ້ວ, ອຸດົມໄຊ, ໄຊຍະບູລີ, ຫລວງ ພະບາງ, ຫົວພັນ, ວຽງຈັນ ແລະແຂວງຊຽງຂວາງ, ພ້ອມ ດ້ວຍບັນດາຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກ ແລະວິຊາການທີ່ກ່ຽວຂ້ອງໄດ້ເຂົ້າຮ່ວມປືກສາຫາລື ຄົ້ນຄວ້າ ແຜນແມ່ບົດກ່ຽວກັບການ ພັດທະນາເສດຖະກິດ ອຸດສາຫະກຳພາກເໜືອຂອງ ສປປ ລາວ ຂຶ້ນຢູ່ທີ່ກະຊວງແຜນການ ແລະ ການ ຮ່ວມມື ໃນຕອນເຊົ້າວັນທີ 11 ພະຈິກ 2008 ໂດຍການເປັນປະທານຂອງທ່ານ ດຣ ບຸນທະວີ ສີສຸພັນທອງ, ລັດຖະ ມົນຕີຊ່ວຍ ວ່າ ການ ກະຊວງແຜນການ ແລະການລົງທຶນ ແລະທ່ານ ເຮ ຈິນຊີ , ຮອງຫົວໜ້າຄະ ນະກຳມະ ການປະຕິຮູບ ແລະພັດທະນາ ຂອງ ແຂວງຢຸນນານ. ສະຖາບັນຄົ້ນຄ້ວາເສດຖະກິດແຫ່ງຊາດ, ກະຊວງ ຜທ ທີ່ເປັນເຈົ້າການຮັບຜິດຊອບ ການຄົ້ນຄ້ວາ ດັ່ງກ່າວ ນຳໂດຍທ່ານ ດຣ ລີເບີ ລີບົວປາວ ຮັກສາການຫົວໜ້າສະຖາບັນ ໄດ້ນຳສະເໜີກ່ຽວກັບເນື້ອໃນ ຕົ້ນຕໍຂອງແຜນແມ່ບົດພັດທະນາພາກເໜືອ ຊຶ່ງໄດ້ກຳນົດ ເປົ້າ ໝາຍຍຸດທະສາດ ເປັນສອງໄລຍະຄື: ໄລຍະສັ້ນ ແຕ່ 2008-2015 ແລະ ໄລຍະຍາວ ແຕ່ 2016-2020 ແລະໄດ້ກຳນົດ 4 ຂະແໜງອຸດສາຫະ ກຳເສົາຄ້ຳ ໃນການພັດທະນາເຊັ່ນ: ຂະແໜງໄຟຟ້າ, ຂະແໜງອຸດສາຫະກຳປຸງແຕ່ງກະສິກຳ, ຂະແໜງການຄ້າ ແລະ ທ່ອງທ່ຽວ, ຂະແໜງບໍ່ແຮ່. ຂະນະດຽວກັນ ກໍໄດ້ຈັດວາງການພັດທະນາອຸດສາຫະກຳ ຂອງພາກເໜືອ ໄປຕາມຮູບແບບ 1334 ຄື: ສູນກາງເສດຖະກິດ 1 (ໂດຍກຳນົດເອົາຫລວງພະບາງ), 2 ແລວທາງເສດ ຖະກິດ (ຫ້ວຍຊາຍ-ບໍ່ເຕັນ-ຊາຍແດນ ຜົ້ງສາ ລີ ແລະຖາຍຈ່າງ, ບໍ່ເຕັນ-ຫລວງພະບາງ-ຊາຍແດນນະ ຄອນ ຫລວງວຽງຈັນ ແລະໜອງຄາຍ(ປະເທດໄທ), ຫ້ວຍຊາຍ-ຫລວງພະ ບາງ-ຊາຍແດນຊຽງຂວາງ ແລະ ຫວຽດນາມ) , 3 ເຂດອຸດສາຫະກຳການຜະລິດ ( ອຸດົມໄຊ, ວຽງຈັນ ແລະຊຽງຂວາງ) ແລະ ເຂດ ຮ່ວມ ມື ການຄ້າຊາຍແດນຂະໜາດໃຫຍ່ (ບໍ່ເຕັນ-ຫ້ວຍຊາຍ, ແກ່ນທ້າວແລະໜອງແຮດ). ສຳລັບແຜນແມ່ ບົດປະ ກອບດ້ວຍ 1 ແຜນແມ່ບົດສັງລວມ ແລະ 4 ແມ່ບົດຂະແໜງການສະເພາະຄື: ແຜນແມ່ບົດພັດທະ ນາຂະ ແໜງ ກະ ສິກຳ ແລະປ່າໄມ, ແຜນ ແມ່ບົດພັດທະນາຂະແໜງການຄ້າ, ການລົງທຶນ ແລະ ການຮ່ວມມື; ແຜນແມ່ ບົດ ພັດອຸດສາຫະກຳ ແລະ ຫັດຖະກຳ ແລະແຜນ ແມ່ບົດພັດທະນາຂະແໜງໂຄງລ່າງພື້ນຖານ ເລັ່ງໃສ່ການພັດ ທະນາພາກເໜືອແບບກ້າວກະໂດດ ແລະຍືນຍົງ ປະກອບສ່ວນ ໃຫ້ ແກ່ຂະບວນການ ແລະເປົ້າໝາຍການ ພັດ ທະນາຂອງປະເທດໂດຍລວມຄືການຫລຸດພົ້ນ ອອກຈາກບັນຊີປະເທດ ດ້ອຍພັດ ທະ ນາ ໃນປີ 2020 ./.
ກັບສາລະບານ
