ຫວຽດນາມຊ່ວຍເຫລືອກໍ່ສ້າງວິທະຍາໄລການເງິນພາກກາງດົງຄຳຊ້າງ
*(ຂປລ): ໂຄງການກໍ່ສ້າງວິທະຍາໄລການເງິນພາກກາງດົງຄຳຊ້າງໄດ້ລົງມືກໍ່ສ້າງມາແຕ່ວັນທີ 15 ມິຖຸ ນາ 2007,ປະຈຸບັນໄດ້ສຳ ເລັດແລ້ວແລະຈັດພິທີມອບ-ຮັບ ພ້ອມທັງ ເປີດນຳໃຊ້ຢ່າງເປັນ ທາງ ການໃນ ຕອນ ເຊົ້າຂອງວັນທີ 19 ພະຈິກປີ 2008 ໂດຍເປັນ ກຽດເຂົ້າຮ່ວມຂອງທ່ານ ດຣ ທອງລຸນ ສີສຸລິດ, ຮອງນາຍົກ ລັດ ຖະມົນຕີລັດຖະມົນ ຕີວ່າກະຊວງການຕ່າງປະເທດ, ທ່ານ ວູ່ວັນນິ່ງ, ລັດຖະມົນຕີວ່າການກະຊວງ ການ ເງີນ ສສ.ຫວຽດນາມ, ທ່ານ ສົມດີ ດວງດີ, ລັດຖະມົນຕີວ່າ ການ ກະຊວງການ ເງີນ ແຫ່ງສ ປປ ລາວ ພ້ອມບັນດາແຂກແລະພະນັກງານວິຊາການຂອງສອງຝ່າຍລາວແລະຫວຽດນາມຕະຫລອດບັນດານັກສຶກສາວິທະຍາ ໄລ ການ ເງີນ ພາກກາງເຂົ້າຮວ່ມຢ່າງຫລວງຫລາຍ. ໃນພິທີດັ່ງກ່າວ ທ່ານ ວູ່ວັນນິ່ງ ໄດ້ຂື້ນກ່າວມອບ ໂຄງ ການກໍ່ສ້າງວິທະຍາໄລການ ເງີນພາກກາງດົງຄຳຊ້າງ ໃຫ້ທ່ານສົມດີ ດວງດີ ພ້ອມທັງກ່າວຮັບວ່າ:ໂຄງ ການກໍ່ສ້າງວິທະຍາໄລການເງີນພາກ ດົງຄຳຊ້າງນີ້ແມ່ນ ການ ພົວ ພັນ ແລະການ ຮ່ວມມືລະຫວ່າງສອງປະເທດລາວ ແລະຫວຽດນາມກໍຄືລະ ຫວ່າງກະຊວງການເງີນຂອງສອງປະເທດ ຊຶ່ງກ້າວຂື້ນສູ່ລະດັບໃໝ່ແລະ ບົນ ພື້ນຖານ ສັນຍາ ວ່າດ້ວຍການຮ່ວມມືດ້ານເສດຖະກິດ,ວັດ ທະນະທຳ,ວິທະຍາ ສາດ ເຕັກນິກ ລ ຫວ່າງລັດຖະ ບານແຫ່ງ ສປປລາວແລະລັດຖະບານສສຫວຽດນາມໄລຍະປີ 2006-2010. ລັດຖະບານ,ປະຊາຊົນ ກໍຄື ກະຊວງ ການເງິນ ສສ ຫວຽດນາມໄດ້ໃຫ້ການຊວ່ຍເຫລືອລ້າເພື່ອປຸກສ້າງວິທະຍາໄລ ການເງິນ ພາກກາງ ຢູ່ບ້ານດົງຄຳຊ້າງເມືອ ງ ຫາດ ຊາຍຟອງ,ນະຄອນ ຫລວງວຽງຈັນ, ລວມມຸນ ຄ່າທັງໝົດ 86 ຕື້ດົງຫລືປະມານ 5 ລ້ານໂດລາສະຫະລັດ, ຊື່ງ ລວມມີທັງ ໝົດ 5 ອາ ຄານຄື:ອາຄານ ຫ້ອງການ1ຫລັງ 3 ຊັ້ນມີຫລາຍ ຫ້ອງ ເພື່ອຕອບສະໜອງ ໃຫ້ແກ່ຄະນະອຳນວຍການແລະພະນັກ ງານຄູອາຈານ ຈຳ ນວນ 150 ຄົນ,ອາຄານຫ້ອງ ຮຽນ 1 ຫລັງ ມີ 3 ຊັ້ນ ໃນນັ້ນ ມີ 4 ຫ້ອງສາມາດ ບັນຈຸນັກຮຽນໄດ້ແຕ່ 50-54 ຄົນ, ແລະມີ 12 ຫ້ອງທີ່ ສາມາດບັນຈຸນັກຮຽນໄດ້25-30 ຄົນຕໍ່ຫອ້ງ, ມີຫ້ອງພັກຄູອາຈານ, ທັງໝົດ ອາຄານນີ້ ສາມາດຮອງຮັບ ນັກຮຽນໄດ້ 800 ຄົນ,ອາຄານຫໍພັກນັກສຶກສາມີ 2 ຫລັງ 3 ຊັ້ນ,ມີ 60 ຫ້ອງສາມາດຮັບນັກ ຮຽນຊາຍ ແລະຍິງໄດ້ 480 ຄົນ,ອາຄານຮ້ານອາຫານ ນັກສຶກສາ ແລະ ພະນັກງານມ ີ1 ຫລັງ 2 ຊັ້ນ ສາມາດຕອບ ສະໜອງໄດ້ 200 ຄົນ, ສະໂມສອນໃຫຍ່ 1ຫລັງບັນຈຸໄດ້ 600 ບອ່ນນັ່ງ. ການຊ່ວຍເຫລືອກໍ່ສ້າງວິທະຍາໄລການເງີນພາກກາງດົງຄຳຊ້າງແມ່ນໂຄງການໜື່ງໃນບັນດາແຜນງານ ແລະ ເນື້ອໃນການຮ່ວມມື ລະຫວ່າງລາວ-ຫວຽດນາມ ໂດຍສະເພາະ ແມ່ນແຜນ ງານທີ 1, ຊື່ງເປົ້າໝາຍ ແມ່ນ ການ ຮ່ວມມືດ້ານການສືກສາ-ການກໍ່ສ້າງ ແລະຍົກຄຸນນະພາບການກໍ່ສ້າງຊັບພະຍາກອນມະນຸດ. ການຊ່ວຍ ເຫລືອດັ່ງກ່າວ ເປັນການປະກອບສ່ວນສຳຄັນເພື່ອບັນລຸຄາດໝາຍໃນການປະຕິບັດແຜນບຸລິມະສິດຂອງພັກ ແລະ ລັດຖະບານ,ໂດຍສະເພາະ ແມ່ນການກໍ່ສ້າງ ແລະຍົກລະດັບຄວາມສາມາດຂອງພະນັກງານວິ ຊາການ ໃນ ຂົງເຂດການເງິນ ທັງ ເປັນ ການສ້າງເງື່ອນໄຂ ອັນສະດວກແກ່ການຮຽນການສອນ ໃຫ້ມີຄຸນະພາບ ດີ ຂື້ນ. ທ່ານ ລັດຖະມົນຕີວ່າການກະຊວງ ການເງິນ ໄດ້ ຕາງໜ້າໃຫ້ລັດຖະບານແລະປະຊາຊົນບັນດາເຜົ່າສະແດງ ຄວາມຮູ້ບຸນຄຸນຢ່າງໃຫຍ່ຫລວງ ແລະຂອບໃຈ ຢ່າງລົ້ນເຫລືອ ຕໍ່ການຊ່ວຍເຫລືອອັນລ້ຳຄ່າຂອງລັດຖະບານ ແລະ ປະຊາຊົນຫວຽດນາມ ຊື່ງຍາມໃດກໍໃຫ້ຄວາມເປັນຮວ່ງ ເປັນໃຍ ໃຫ້ການຊ່ວຍ ເຫລືອ ຢ່າງຮອບ ດ້ານໃນ ຂະແໜງການເງີນຕະຫລອດມາ. ນອກຈາກການຊ່ວຍເຫລືອພື້ນຖານໂຄງລ່າງແລ້ວ,ບັນດາ ກົມກອງ ຕ່າງໆ ທີ່ຂື້ນກັບກະຊວງການເງີນຍັງ ໄດ້ປະກອບອຸປະກອນ ການຮຽນການສອນຄື:ກົມໃຫຍ່ພາສີມອບຄອມພິວເຕີ50 ຊຸດ, ມະຫາວິທະຍາໄລການ ຕະ ຫລາດ ມອບຄອມພິວເຕີ 12 ຊຸດເພື່ອປະກອບ ຫ້ແຕ່ລະ ຫ້ອງ,ກົມ ໃຫຍ່ ອາ ກອນ ມອບໂປຣເຈັກເຕີ 10 ເຄື່ອງ ,ລະບົບເຄື່ອງສຽງຄົບຊຸດໃນສະໂມສອນ. ທັງໝົດເຫລົ່ານັ້ນໄດ້ເປັນການປະກອບ ສ່ວນຢ່າງໃຫຍ່ ຫລວງ ໃນ ການສ້າງ ເງື່ອນໃຫ້ແກ່ການປັບປຸງລະບົບການຮຽນການສອນກໍຄືການພັດທະນາຊັບກອນມະນຸດໃນຂະແໜງການເງິນໃຫ້ເປັນລະບົບ./.
ກັບສາລະບານ
