ຊຽງຂວາງຫວັງຢ່າງໜ້ອຍ 3 ຫລຽນຄຳ ໃນຈຳປາສັກເກມ
* ນີ້ແມ່ນການກ່າວຢືນຢັນຂອງພະແນກກິລາແຂວງຊຽງຂວາງພາຍຫລັງ, ສະຫະພັນ, ນັກກິລາປະເພດຕ່າງໆ ໄດ້ດຳເນີນ ການ ຝຶກຊ້ອມຢ່າງເປັນລະບົບ ແລະ ຕໍ່ເນື່ອງໃນ 10 ປະເພດກິລາ ທີ່ສົ່ງ ເຂົ້າ ຮ່ວມໃນຈຳປາສັກເກມ 2008 ທີ່ຈະດຳເນີນ ການ ແຂ່ງຂັນແຕ່ວັນທີ 13-22 ທັນວາ ທີ່ຈະເຖິງນີ້.
ທ່ານ ທອງພິວ ສີປັນຍາ ວ່າການຫົວໜ້າພະແນກກິລາແຂວງຊຽງຂວາງ ກ່າວວ່າ: ຈາກການ ຝຶກ ຊ້ອມທີ່ເປັນລະບົບ ແລະ ຕໍ່ ເນື່ອງນັ້ນ ຈຶ່ງຖືວ່າ ແຂວງພວກເຮົາມີຄວາມພ້ອມ 100% ແລ້ວທີ່ຈະໄປ ສ້າງກຽດ ແລະຊື່ສຽງຂອງແຂວງຊຽງຂວາງໃນ ຈຳປາສັກເກມ 2008. ທັງນີ້, ແຂວງຊຽງຂວາງພວກ ເຮົາ ໄດ້ສົ່ງ 10 ປະເພດກິລາ ແລະ ນັກກິລາ 99 ຄົນ ເຂົ້າຮ່ວມແຂ່ງຂັນ ຊຶ່ງກໍປະກອບມີ ແລ່ນ-ລານ, ໜ້າເກັກ, ກະຕໍ້່, ຍິງປືນ, ກ໊ອຟ, ສະນຸກເກີ, ໝາກຂ່າງ, ເທຄວັນໂດ, ບານສົ່ງ ແລະ ປິ່ງປ່ອງ. ທັງ ນີ້,ໃນຈຳປາສັກເກມ 2008 ນີ້, ແຂວງຊຽງຂວາງ ຕັ້ງເປົ້າໃຫ້ໄດ້ຢ່າງໜ້ອຍ 3 ຫລຽນຄຳ./.
ກັບຫນາ້ພາສາລາວ
