ລາວ ຫວັງ 2 ຫລຽນຄຳ ຈາກກິລາດຳນ້ຳ ໃນວຽງຈັນເກມ 2009
* ກິລາດຳນ້ຳແມ່ນໜຶ່ງໃນປະເພດກິລາທີ່ໄດ້ບັນຈຸເຂົ້າໃນການແຂ່ງຂັນຊີເກມຄັ້ງທີ 25 ຫຼື ວຽງຈັນ ເກມ 2009 ແລະ ກໍເປັນອີກ ໜຶ່ງປະເພດກິລາ ທີ່ລາວເຮົາຫວັງ ຫຼຽນຄຳ. ທັງນີ້ຄວາມຫວັງດັ່ງ ກ່າວ ນີ້ໄດ້ຮັບການຢືນຢັນຈາກຄູຝຶກກິລາດຳນ້ຳ ແຫ່ງຊາດລາວ ເຮົາ ເມື່ອວັນທີ 21 ຕຸລານີ້ ໂດຍທ່ານໝັ້ນ ໃຈ ວ່າຈະໄດ້ 2 ຫຼຽນຄຳເປັນຢ່າງໜ້ອຍ.
ທ່ານ ຜັນມາ ຕຸລິຫິງ ຄູຝຶກກິລາດຳນ້ຳແຫ່ງຊາດລາວ ກ່າວວ່າ: ພາຍຫຼັງສຳເລັດການເກັບໂຕຝຶກຊ້ອມ ໄປຕາມ ລະບົບຄື ການ ລອຍ, ການໃຊ້ຕີນເປັດຄູ່ ແລະ ການໃຊ້ ຕີນເປັດໃຫຍ່ເປັນເວລາ 3 ເດືອນຢູ່ແຂວງດານັງ ສສ ຫວຽດນາມ ແລະ ຂະນະດຽວກັນ, ນັກກິລາລາວເຮົາ ກໍ ໄດ້ມີໂອກາດ ເຂົ້າ ຮ່ວມ ການແຂ່ງຂັນກິລາດຳນ້ຳ ແລະ ລອຍນ້ຳໃນລຸ້ນຕ່ຳກວ່າ 17 ປີ ຂອງ ສສ ຫວຽດ ນາມ ຊຶ່ວໂດຍລວມຜົນງານທີ່ອອກມາກໍເປັນທີ່ເພິ່ງພໍໃຈຫຼາຍ.ຈາກນີ້, ຈຶ່ງເປັນການສະແດງໃຫ້ເຫັນວ່າ: ນັກກິລາດຳນ້ຳທັງ 8 ຄົນ, ຍິງ 4 ຄົນທີ່ຄັດເລືອກໄດ້ມາຈາກໂຮງຮຽນສ້າງຄູພະລະສຶກສາຊັ້ນ ການ ທົ່ງປົ່ງ, ຄູພະລະສຶກສາຈາກມະຫາວິທະ ຍາໄລ ດົງໂດກ ນັ້ນ,ໄດ້ມີການພັດທະນາຂຶ້ນຕັ້ງຫຼາຍເທົ່າ. ດ້ວຍເຫດນີ້,ຈຶ່ງໝັ້ນໃຈວ່າ:ໃນວຽງຈັນເກມ 2009 ຈະໄດ້ 2 ຫຼຽນຄຳ, ຂະນະທ ີ່ເມື່ອປີ 2005 ທີ່ ສສ ຫວຽດນາມ ເປັນເຈົ້າພາບມະຫະກຳຊີເກມ ຄັ້ງທີ 23 ນັ້ນ,ລາວເຮົາ ໄດ້ 1 ຫຼຽນທອງ ຈາກ ປະເພດ ທີມ ຊາຍ.
ທ່ານ ຜັນມາ ກ່າວຕື່ມວ່າ: ພາຍ ຫຼັງສຳເລັດມະຫະກຳກິລາແຫ່ງຊາດຄັ້ງທີ VII ຫຼື ຈຳປາສັກເກມ ໃນທ້າຍປີນີ້ແລ້ວ, ສະຫະ ພັນ ພວກເຮົາ ຈະໄດ້ເຊີນຄູຝຶກຫວຽດນາມມາຝຶກຊ້ອມໃຫ້ ແລະຫຼັງຈາກ ນັ້ນຄືທ້າຍເດືອນມິຖຸນາ 2009 ກໍຈະສົ່ງນັກກິລາດຳ ນ້ຳໄປ ເກັບໂຕ ຝຶກ ຊ້ອມຢູ່ ສສ ຫວຽດນາມ ອີກ./.
