ຄວາມຄືບໜ້າໃນການກຽມຊີເກມປີ 2009
* ໃນກອງປະຊຸມລະດັບຊາດຄັ້ງທີ 9 ຂອງ ຄະນະກຳມະການຈັດງານມະຫະກຳກິລາຊີເກມ ຄັ້ງ ທີ 25 ປີ 2009 ທີ່ຈັດຂຶ້ນເມື່ອ ວັນທີ 5 ກັນຍານີ້, ພະນະທ່ານ ສົມສະຫວາດ ເລັ່ງສະຫວັດ ຮອງ ນາ ຍົກລັດຖະມົນຕີ,ຜູ້ປະຈຳການລັດຖະບານ ທັງເປັນປະ 
ທານຄະນະກຳມະການ ຈັດງານມະຫະກຳກິ ລາຊີ ເກມ ຄັ້ງທີ 25 ປີ 2009 ໄດ້ສະແດງຄວາມ ເພິ່ງພໍໃຈຕໍ່ບັນດາ ກຳມະການ ຕ່າງໆ ທີ່ໄດ້ເປັນເຈົ້າ ການປະຕິບັດໜ້າ ທີ່ຄວາມຮັບຜິດຊອບອັນສົ່ງຜົນໃຫ້ໜ້າວຽກຕ່າງໆທີ່ກະກຽມ
ເປັນຮູບປະທຳດີຂຶ້ນ
ຕະ ຫລອດ ໄລຍະ 3 ເດືອນຜ່ານມາ, ຂະນະດຽວກັນທ່ານຍັງໄດ້ຮຽກຮ້ອງໃຫ້ທຸກພາກສ່ວນສຸມ ໃສ່ປະຕິບັດໜ້າທີ່ຢ່າງຕໍ່ເນື່ອງ ເພື່ອ ໃຫ້ການກະກຽມບັນ ລຸ ຜົນ ສຳເລັດຕາມລະດັບຄາດ ໝາຍທີ່ວາງໄວ້ .
ທັງນີ້, ທ່ານ ດຣ. ພູທອງ ແສງອາຄົມ ລັດຖະມົນຕີ ປະຈຳ ສຳນັກ ງານນາຍົກ, ປະທານ ຄກຊ ໄດ້ຊີ້ແຈງຜົນຂອງການ ປະຕິ ບັດວຽກງານໄລຍະເດືອນ ມິຖຸນາ ຫາ ເດືອນສິງຫາ ນີ້ ໂດຍແຕ່ລະໜ້າ ວຽກ ຂອງແຕ່ລະກຳມະການ ເດີນໜ້າໄປດ້ວຍດີ ເປັນ ຕົ້ນ: ການຍົກລະດັບ ພາສາອັງ ກິດໃຫ້ວິ ຊາ ການບາງກຳມະ ການຢູ່ສູນຮ່ວມມືລາວ-ສິງກະໂປ, ສຳເລັດການປະຊຸມ ຄະນະ ມົນຕີຊີເກມ, ໄດ້ປະສານງານກັບ ຄະນະກຳມະການໂອລິມປິກ ອາຊີ, ຄະນະກຳມະການຈັດງານ ອາຊຽນເກມ ຢູ່ເມືອງ ອິນໂຈ, ສ.ເກົາຫລີ ໄດ້ສຳເລັດ ການວາງສີລາເລີກ ກໍ່ສ້າງບ້ານນັກກິລາຢູ່ ມ.ຊ, ໄດ້ປະສານກັບ ຄະນະ ຮ່ວມມື ລາວ-ຫວຽດນາມ ເພື່ອ ປຶກ ສາຫາລືກ່ຽວກັບກຳມະການຊ່ວຍເຫຼືອ ວຽກງານການສ້າງ ລະບົບໄອທີລວມສູນ ລວມທັງ ລະບົບການລາຍ ງານຜົນການ ແຂ່ງຂັນ ຢູ່ສະໜາມ, ການຄວບຄຸມ ສານ ກະຕຸ້ນ. ນອກ ຈາກນີ້, ຍັງໄດ້ສຳເລັດການເຊັນ ສັນຍາກ່ຽວກັບ ເມືອງອິນໂຈ, ສ.ເກົາ ຫລີ ທີ່ ໃຫ້ ການຊ່ວຍເຫຼືອເປັນວັດຖຸ ແລະ ເງິນສົດ 405.000 ໂດລາສະ ຫະລັດ, ຂະນະດຽວກັນ ກໍໄດ້ປະ ສານກັບ ຫລາຍໆ ປະເທດ ຕື່ມ ອີກເຊັ່ນ: ສປ ຈີນ, ບຣູໄນ, ສ.ອິນເດຍ.
ທ່ານ ດຣ. ພູທອງ ແສງອາຄົມ ກ່າວອີກວ່າ: ສຳລັບການກໍ່ສ້າງ ແລະ ສ້ອມແປງສະໜາມແຂ່ງ ຂັນຫລັກ 16 ກໍໄດ້ດຳ ເນີນມາ ເປັນປົກ ກະຕິ ແລະ ມາຮອດປະຈຸບັນ, ແຕ່ລະ ສະໜາມການແຂ່ງ ຂັນ ໄດ້ສຳເລັດວຽກເບຕົງເສີມ ເຫລັກແລ້ວ 100%./.
ກັບຫນາ້ພາສາລາວ
