ມີ 24 ປະເພດກິລາທີ່ຈະແຂ່ງໃນຈຳປາສັກເກມ
*ກອງປະຊຸມເຕັກນິກແລະ ຄະ ນະກະກຽມລະດັບຊາດຄັ້ງທີ III ຂອງງານມະຫະກຳກິລາແຫ່ງຊາດຄັ້ງທີ VIII ທີ່ຈະຈັດຂຶ້ນລະ ຫວ່າງວັນທີ 1322 ທັນວາ 2008 ນີ້ ທີ່ແຂວງຈຳປາສັກໄດ້ຮອງຮັບເອົາ 24 ປະເພດກິລາເຂົ້າຮ່ວມແຂ່ງຂັນ ໃນງານມະຫະກຳດັ່ ງກ່າວຄື:ແລ່ນລານ” ຍິງຊາຍ”,ບານສົ່ງໃນຮົ່ມແລະ ຫາດຊາຍ”ຊາຍຍິງ”,ກະ ຕໍ້” ຊາຍຍິງ”,ເປຕັງ”ຊາຍຍິງ” ,ດອກປີກໄກ່”ຊາຍ ຍິງ”,ສະນຸກເກີ”ຊາຍຍິງ”, ມວຍສາກົນ”ຊາຍຍິງ”,ມວຍລາວ” ຊາຍຍິງ,ກ໊ອຟ”ຊາຍຍິງ”,ເຕັນນິດ“ ຊາຍຍິງ”,ລົດຖີບ”ຊາຍຍິງ”, ຍິງປືນ “ຊາຍ”,ປິ່ງປ່ອງ”ຊາຍຍິງ”,ໂບ ລິ້ງ”ຊາຍຍິງ”,ມວຍປັນຈາສີລັດ” ຊາຍຍິງ”,ເທຄວັນໂດ”ຊາຍຍິງ”, ຢູໂດ”ຊາຍຍິງ”, ລອຍ ນ້ຳ” ຊາຍຍິງ”, ຫນ້າເກັກ”ຊາຍຍິງ”,ຊ່ວງເຮືອ 12 22 ສີພາຍ“ຊາຍຍິງ” ແລະ ເຕະ ບານ”ຊາຍຍິງ”. ນອກຈາກນີ້ຍັງ ໄດ້ກຳນົດ ຫລຽນທີ່ຈະຊີງໃນທຸກປະເພດກິລາຈຳນວນ 2.075ຫລຽນ ໃນນີ້,ມີ 634 ຫລຽນຄຳ,634 ຫລຽນເງິນ,827 ຫລຽນທອງ.
ທ່ານ ສອນໄຊ ສີພັນດອນ ເຈົ້າແຂວງໆຈຳປາສັກໄດ້ແຈ້ງໃຫ້ຊາບວ່າ:ປະຈຸບັນນີ້ ,ອຳນາດການປົກຄອງແຂວງພວກ ເຮົາໄດ້ເອົາ ໃຈ ໃສ່ກະ ກຽມດ້ານວຽກງານຕ່າງໆເປັນຢ່າງດີຄື:ດ້ານການຈັດຕັ້ງ,ການ ກໍ່ສ້າງພນຖານໂຄງລ່າງ,ດ້ານສະຖານທີ່ພັກເຊົາ ແລະ ປະດັບປະດາຕົວເມືອງ,ໂຄສະນາປະຊາ ສຳພັນ, ປ້ອງກັນຊາດປ້ອງກັນຄວາມສະຫງົບ...ໂດຍໄດ້ຖືເປັນ ວຽກບູລິມະສິດຂອງ ແຂວງເພື່ອກຽມຄວາມພ້ອມໃນການຈັດງານດັ່ງກ່າວ ໂດຍສະເພາະວຽກງານກໍ່ສ້າງພນຖານໂຄ່ງລ່າງ,ການປັບປຸງສ້ອມແປງ 22 ສະຫນາມຮັບໃຊ້ການແຂ່ງຂັນໃນແຕ່ລະປະເພດກິລາ,ໃນນີ້ມີການສ້າງໃຫມ່ 4 ສະ ຫນາມຄື:ເຕັນນິດ,ລອຍນ້ຳ,ຍິງປືນ ແລະ ບານສົ່ງຫາດຊາຍ,ຂະນະດຽວກັນກໍໄດ້ມີການປັບປຸງສ້ອມແປງ 8 ສະຫນາມ ຊຶ່ງມາເຖິງປະຈຸບັນໄດ້ປັບປຸງແລ້ວ 5 ສະຫນາມ, ສ່ວນທີ່ເຫລືອແມ່ນຍັງຢູ່ໃນ ໄລຍະ ການປັບປຸງປົວແປງ ແລະ ກໍຄາດ ວ່າໃນທ້າຍເດືອນກັນຍາທີ່ຈະເຖິງນີ້ຈະໃຫ້ສຳເລັດ. ສຳ ລັບ ສະຫນາມເປີດປິດແມ່ນສຳເລັດແລ້ວ 40% ທັງຄາດວ່າ: ທ້າຍເດືອນກັນຍານີ້ຈະສຳ ເລັດເຊັ່ນດຽວກັນ. ໃນສ່ວນ ຂອງສັນ ຍາລັກ ຫຼື ໂລໂກ ຂອງ ງານມະຫະກຳກິລາຄັ້ງນີ້ໄດ້ກຳນົດເອົາສັນຍາລັກປະຈຳແຂວງ ຊຶ່ງນັ້ນກໍຄື:”ດອກຈຳປາ”, ຂະນະທີ່ສັດ ນຳ ໂຊກກໍແມ່ນ”ປາຂ່ານ້ຳຈືດ” ແລະ ກາທວນໄຟ ກໍມີຮູບເປັນດອກບົວ .ແນວໃດກໍດີ,ພວກເຮົາຍັງຈະ ໄດ້ດຳເນີນ ການປັບ ປຸງ ອີກຕື່ມ./.
ກັບຫນາ້ພາສາລາວ
