ເຈົ້າພາບ ຫວັງ 60 ກວ່າຫລຽນຄຳ ໃນຈຳປາສັກເກມ
* ນັບແຕ່ນີ້ໄປກໍຍັງອີກ 30 ກວ່າ ມື້ເທົ່ານັ້ນ, ມະຫະກຳກິລາແຫ່ງຊາດ ຄັ້ງທີ VIII ຫຼື ຈຳປາສັກເກມ ກໍຈະ ໄດ້ເລີ່ມປະກາດ ຄວາມ ຍິ່ງໃຫຍ່ຂອງການເປັນເຈົ້າພາບ ຊຶ່ງມາເຖິງຂະນະ ນີ້,ສະຫະ ພັນ ກິລາປະເພດຕ່າງໆທັງນະຄອນຫຼວງວຽງຈັນ, ກະຊວງ ແລະ ແຂວງຕ່າງໆ ລ້ວນຢູ່ໃນໄລຍະການ ກຽມທີມໂດຍສະເພາະການຝຶກຊ້ອມ ເພື່ອໃຫ້ໄດ້ມາຊຶ່ງຫລຽນລາງວັນອັນຊົງກຽດ ດັ່ງດຽວ ກັບກັບ ແຂວງເຈົ້າພາບ ຊຶ່ງນອກຈາກກຽມທຸກເງື່ອນໄຂໃຫ້ແກ່ກ່ນເປີດງານດັ່ງກ່າວນີ້ແລ້ວ, ການຝຶກຊ້ອມ ກິລາ ປະເພດຕ່າງໆ ກໍດຳເນີນໄປຢ່າງຄຶກຄັກ ໂດຍໄດ້ເປົ້າໃຫ້ໄດ້ຫລຽນລາງວັນເທົ່າ ທີ່ຈະ ຫລາຍໄດ້.
ທ່ານ ໄພວອນ ຜາບຸນມີ ຮອງຫົວຫນ້າພະແນກກິລາແຂວງຈຳປາສັກ ລາຍງານເມື່ອຕົ້ນເດືອນພະ ຈິກນີ້ວ່າ:ກິລາ “ ຈຳປາສັກ ເກມ ໃນຖານະເປັນເຈົ້າພາບນັ້ນ,ໄດ້ຈັດສົ່ງນັກກິລາຈຳນວນ 415 ຄົນ ເຂົ້າຮ່ວມແຂ່ງຂັນໃນ 24 ປະເພດກິລາ ແລະ 256 ລາຍການ ທີ່ຈະມີການແຂ່ງຂັນ ຊີງຫລຽນ ລາງ ວັນປະເພດຕ່າງໆ. ທັງນີ້, ໄດ້ຕັ້ງເປົ້າໝາຍໄວ້ຢ່າງໜ້ອຍຄື: 61 ຫລຽນຄຳ,30 ຫລຽນເງິນ ແລະ 34 ຫລຽນທອງ ເພື່ອເຮັດແນວໃດໃຫ້ແຂວງຈຳປາສັກຂຶ້ນມາຢູ່ໃນອັນດັບຕົ້ນໆຂອງຕາຕະລາງ. ໃນ “ ຈຳ ປາ ສັກເກມ” ມີການແຂ່ງຂັນ 24 ປະເພດກິລາປະກອບດ້ວຍ: ແລ່ນ-ລານ, ລອຍນ້ຳ, ບານ ສົ່ງ ໃນຮົ່ມ ແລະ ຊາຍຫາດ, ດອກ ປີກໄກ່, ບານບ້ວງ, ບານເຕະ, ມວຍສາກົນ, ມວຍລາຍລາວ, ເປຕັງ, ເຕັນນິດ, ປິ່ງປ່ອງ, ກະຕໍ້, ຍິງປືນ, ເທຄວັນໂດ, ລົດຖີບ, ມວຍປັນຈາສີລັດ, ຊ່ວງເຮືອ, ກ໋ອຟ, ສະ ຫນຸກເກີ, ຫມາກຄ່າງ, ຫນ້າເກັກ, ໂບລິງ, ຄາລາເຕໂດ, ຢູໂດ./.
